تھتھال
تھتھال جٹاں دی ہک ذیلی شاخ ہے۔ تھتھالاں دی اکثریت گجرات، سیالکوٹ، ضلع نارووال، راولپنڈی، کھاریاں پٻی اتے آزاد کشمیر وچ وسدی ہے۔ ہندوستان وچ تھتھال ہوشیار پور اتے ہماچل پردیش دے علاقیاں وچ پائے ویندن۔ تھتھال ہک ہندو راجا کرن سنگھ دی اولاد ہووݨ دے دعوے دار ہن۔ کرن سنگھ دے دور حکومت دا صحیح تعین نہیں کیتا ونڄ سڳا۔ ہک اندازے دے مطابق کرن سنگھ دے دور حکومت دے ویلے ہندوستان دے زیادہ تر علاقیاں تے سیّد خاندان دی حکومت ہئی۔ کرن سنگھ دی راجدھانی دے مقام دے متعلق وی مختلف آرأ ہن۔ کجھ روایتوں دے مطابق کرن سنگھ کشمیر دا بادشاہ ہئی۔ جݙݨ کہ ݙوجھی روایت کرن سنگھ کوں مالوہ دا حاکم ݙسائندی ہے۔ ایڈورڈ میکلاگن اتے ایچ اے روز دے مطابق تھتھال سوریہ ونشی راجپوت راجا کرن سنگھ دے پتر تھاتھو دی اولاد ہن۔
تھوتھال یا تھتھال
[لکھو | ماخذ وچ تبدیلی کرو]ایں گروہ دی اکثریت خود کوں تھتھال سݙویندی ہے، لیکن گروہ دے ہک خاصے حصے دے نزدیک صحیح لفظ تھوتھال ہے۔ ایں گروہ دے مطابق کرن سنگھ دے پتر دا ناں تھاتھو نہیں بلکہ تھوتھو ہئی۔ تھوتھو ایں گروہ توں پہلا آدمی ہئی جئیں اسلام قبول کیتا۔ لیکن اسلام قبول کرݨ دے ایں دعوے دا کوئی ثبوت نہیں ہے۔ تھوتھو دی آل اولاد کوں شروع شروع وچ تھوتھو آل آکھیا ویندا ہئی جیہڑا بعد وچ وگڑ کے تھوتھال تھی ڳیا۔ ایں دعویٰ دے حامی لوکاں دے بقول خود کوں تھتھال سݙواوݨ آلے لوک یا تاں بے احتیاطی نال ٻولݨ دی وجہ توں تھتھال دا لفظ سݙ ویندن یا انہاں کوں صحیح لفظ دا علم ہی نہیں ہے۔ ایں دعویٰ دی تصدیق تحصیل کھاریاں دے نزدیک واقع مہمند چک ناں دی وستی توں تھیندی ہے۔ ایں وستی دے وسݨ آلے خود کوں تھتھال سݙویندن جݙݨ کہ تحصیل کھاریاں دی سرکاری دستاویزات وچ او تھوتھال دے ناں توں درج ہن۔
تھوتھال/تھتھال ناں دیاں وستیاں
[لکھو | ماخذ وچ تبدیلی کرو]- بستی لال تھتھال (پاکستان)
- ڈھوک تھتھال(پاکستان)
- موہڑہ تھتھال (پاکستان)
- ننگل تھتھال (ہندوستان).
- تھتھال (ہندوستان).ریاست پنجاب، تحصیل و ضلح ہوشیار پور کا ایک چھوٹا سا گاؤں ہے
- تھتھال (ہندوستان) ریاست ہماچل پردیش، تحصیل انب، ضلح اونا کا ایک چھوٹا سا گاؤں ہے۔
- تھوتھال(پاکستان)
- ڈھیری تھوتھال(پاکستان)
- چھنی تھتھال(ریاست آزاد جموں کشمیر کے ضلع بھمبر کا ایک چھوٹا سا گاؤں ہے)
- کھمبی تھتھال(سرائے عالمگیر)
- منڈی جٹاں (سرائے عالمگير)