تپ دق (ٹی بی) دا عالمی ݙین٘ہ
24 مارچ تپ دق (ٹی بی) دے خلاف جنگ دا عالمی ݙینھ
میݙے پیارے سرائیکی وسیب دے وسݨ والے او
اڄ 24 مارچ ہے، اڄ دا ݙینھ پوری دنیا وچ تپ دق (ٹی بی) دے خلاف جنگ دے طور تے منایا ویندا پیے. تپ دق ہک خطرناک بیماری ہے جیہڑی انسان دے پھیپھڑیاں کوں متاثر کریندی ہے تے وقت تے علاج نہ کرݨ دی صورت وچ جان لیوا وی ثابت تھی سڳدی ہے۔
اڄ دے ݙینھ دا مقصد تپ دق دے بارے وچ اپݨے پیارے سرائیکی وسیب دے لوکاں کوں شعور ݙیوݨ ہے جو اساں ای بیماری توں کیوے بچ سڳدوں ۔ ای بیماری دیاں علامتاں وچ مسلسل کھنگ ، کوسا ، رات کوں پگھر آوݨ تے وزن گھٹݨ شامل ہے ۔ جیکر تہاݙے اندر اینجھا کوئی وی علامت موجود ہووݨ تے ڈاکٹر کوں چیک کرواؤں.
تپ دق دا علاج ممکن ہے تے اے علاج مفت دستیاب ہے۔ حکومت پاکستان تے صحت دے عالمی اداریاں دی مدد نال تپ دق دے مریضاں کوں مفت دوائیاں تے طبی سہولیات فراہم کیتیاں ویندن.
ساکوں رل تے تپ دق دے خلاف جنگ لڑݨی پوسی تے ایندے بارے وچ لوکاں دے اندر شعور پیدا کرݨا پوسی ساکوں اپݨے نال دے لوکاں کوں وی تپ دق دے بارے وچ اگاہی ݙیوݨا ساݙا فرض ہے.
تپ دق توں بچݨ دے طریقے
چنڳا کھاوݨ پیوݨ
روزانہ ورزش کرݨ
سگریٹ نشے کنوں پرے تھیوݨ
اپݨے گھر کوں صاف ستھرا رکھݨ
اگر تہاݙے اندر تپ دق دی کوئی علامت موجود ہے تے ڈاکٹر نال رابطہ کرو.
یاد کریسوں ، تپ دق دا علاج ممکݨ ہے!
شان سرائیکی