Jump to content

تِرِیمتاں دے رسالے

وکیپیڈیا توں
جنرل فیڈریشن آف ویمینز کلبز رسالے وِچ اینا ہووارڈ دا تیّار کِیتا ہویا مُکھ پَنّاں جیڑھا اگست 1915ء وِچ چَھپّیا ہئی۔

تِرِیمتاں دے رسالے (اردو: خواتین کے رسائل) (انگریزی: women's magazines) تُوں مراد اُوہ رسالے ہِن جیڑھے خاص طور تے تِرِیمتاں دے پڑھݨ، اُنّھاں دی دلچسپی اَتے اُنّھاں دی اڳواݨی کِیتے چَھپّے ہووِن۔ اِیں طرح دے رسالے دُنیا دے ہر مُلک وِچ چھپدے ہِن۔ جین٘ویں جو عربی زبان وِچ مصر تُوں چَھپَّݨ آلا حوا رسالہ یا بھارت تُوں چَھپَّݨ آلے فیمینا اَتے ویمنز ایرا یا پاکستان دا دوشیزہ۔ اِیہ رسالے اُنوِیہوِیں صدی تُوں ٻہوں رواج پاوݨ لڳے ہِن۔ جیویں جو غیر منقسم ہندوستان وِچ رسالہ "النساء" دا ناں اہمیّت دا حامل ہِے۔ رسالہ النساء دا پہلا شمارہ 1919ء وِچ محترمہ صفرا ہمایوں مرزا دی ادارت وِچ چَھپّیا ہئی۔ اِیہ تِرِیمتاں دا رسالہ ہئی جین٘دے وِچ زیادہ تر تِرِیمتاں دے مضامین شائع تِھین٘دے ہون٘دے ہَن۔ اِیں رسالے دی مدیرہ ہِک اصلاحی اَتے انقلابی مزاج دی تِرِیمت ہَن۔ مدیرہ نے اِیہو جئیں مضمون چھاپے جِنّھاں وِچ "تِرِیمتاں دی تعلیم، اُنّھاں دی تربیّت" اُتّے زور ڈِتّا ڳیا ہووے۔[١] اِین٘دے بعد کئی رسالے برِصغیر وِچ نظر آئے اَتے کئی تِرِیمتاں نال جڑے مضمون ٻئے رسالیاں وِچ چَھپّے۔

تِرِیمتاں اُتّے مضامین[لکھو | ماخذ وچ تبدیلی کرو]

تِرِیمتاں اُتّے اِنّھاں رسالیاں وِچ مضامین سوانحی، طرزِ حیاتی، شادی ویاہ، رِیتاں تے رواج، حیاتی دے اَداب، جنسی برابری، قانونی اَتے مذہبی پہلوؤں اُتے مرکوز ہون٘دے ہَن۔ اِنّھاں وِچ کئی واری مذہبی اَتے نظریاتی مضامین وِی چَھپّدے ہون٘دے ہَن۔ ہر مضمون یا رسالہ معیاری نئیں ہون٘دا ہئی۔ اِین٘دے وِچ کئی غیر تحقیقی مضامین وِی ہون٘دے ہَن۔ مثلاً صحت دے بارے وِچ تجویزاں اَتے اَنجو انج سماجی ٹوٹکے جِنّھاں دے بارے وِچ کوئی سائنسی تحقیق موجود کائے نِھیں۔[٢]

ٻِیا ݙیکھو[لکھو | ماخذ وچ تبدیلی کرو]

حوالہ جات[لکھو | ماخذ وچ تبدیلی کرو]

  1. رسالے اَتے تِرِیمتاں دے خدمات
  2. تُہاݙیاں اَکّھیں کِتّھاں ݙیہدیاں پئیاں ہِن مضمون پڑھو اُردو ٻولی وِچ۔