تورو دت

تورو دت
(بنگالی میں: তরু দত্ত)
معلومات شخصیت
پیدائش	4 مارچ 1856ء   کولکاتا ،  بنگال پریزیڈنسی
وفات	30 اگست 1877ء (21 سال)  کولکاتا ،  بنگال پریزیڈنسی
وجہ وفات	سل
مدفن	چرچ مشن سوسائٹی قبرستان
طرز وفات	طبعی موت
شہریت	برطانوی ہند
والد	گووند چندر دت
خاندان	دت خاندان
عملی زندگی
مادر علمی	جامعہ کیمبرج
پیشہ	شاعرہ ،  ناول نگار ،  مترجم ،  مصنفہ
پیشہ ورانہ زبان	انگریزی ،  فرانسیسی ،  بنگلہ ،  سنسکرت
باب ادب

تورو دت (انگریزی: Toru Dutt، بنگالی: তরু দত্ত)، (پیدائش: 4 مارچ 1856ء - وفات: 30 اگست 1877ء) برطانوی راج وچ انگریزی تے فرانسیسی زبان دی ہندوستانی شاعرہ، ناول نگار تے مترجم ہَن۔ انّھاں نے ہندوستانی ادب کوں انگریزی زبان وچ متعارف کراوݨ وچ اہم کردار ادا کِیتا۔ انّھاں دا تعلق بنگال نال ہئی۔ ہندو گھرانے وچ پیدا تِھیوݨ دے بعد خاندان سمیت عیسائی مذہب قبول کر گِھدّا۔ فرانس تے انگلستان دے سفر اختیار کِیتے جِتھاں انّھاں نے تعلیم حاصل کرݨ دے نال اپݨیاں تخلیقات نال انگریزی ادب تے گہرے نقش چھوڑے۔ اوہ ہندوستان دی پہلی ناول نگار ہِن جنہاں نے فرانسیسی زبان وچ ناول تحریر کِیتا۔

حالات حیاتی

تورو دت 4 مارچ 1856ء کوں بنگال دے ہک ہندو خاندان وچ پیدا تِھئیاں۔ والد گووند چند دت کوں سنسکرت تے قدیم ہندو تہذیب وچ تعلیم تے تربیت نال دلچسپی ہئی۔ تورو دت جݙݨ 6 سال دی ہَن تاں انّھاں دا سارا خاندان عیسائی تِھی ڳیا۔ تورو دت تے انّھاں دا خاندان 1868ء وچ یورپ دے سفر تے روانہ تِھیا۔ 1870ء وچ فرانس دے بعد اِیہ خاندان انگلستان ڳئے۔ فرانس وچ تورو تے اوندی بھیݨ آرو نے اسکول وچ داخلہ گِھدّا ہئی، پر اسکول چھوڑ تے گھر تے ہی فرانسیسی زبان سِکھی۔ 1871ء وچ نیونہم کالج، جامعہ کیمبرج وچ داخل تِھی ڳئیاں، اتھاں انگریزی تے فرانسیسی زباناں وچ نمایاں کامیابی حاصل کِیتی۔ اوہ ستمبر 1873ء وچ ہندوستان واپس آ ڳئیاں۔ جو کارنامے انّھاں نے اپݨے پیچھے چھوڑے اوہ علمی نقطہ نظر نال ہک فن کارانہ تے قیمتی ذخیرہ ہِن۔ جے انّھاں کوں زیادہ عمر مِلدی تاں دنیا کوں ہندوستانی پراناں تے کہانیاں توں کافی واقفیت تِھی ویندی۔ انّھاں نے جو تراجم کِیتے انّھاں توں ہندوستان دی عزت وڄی۔ ادب کوں اپݨی حیاتی دا مقصد قرار ݙے تے سنسکرت زبان توں سیتا، لکشمی دھرو تیرملا دیاں کہانیاں کوں انگریزی زبان وچ متعارف کرایا۔ انّھاں نے فرانسیسی زبان وچ ہک ناول وی لکھیا ہئی جو انّھاں دی وفات دے بعد فرانس توں شائع تِھیا۔

جیون برکش (The Tree of Life)، کنول تے The Casrive فرانسیسی زبان وچ انّھاں دیاں مشہور نظماں ہِن۔ انّھاں نے مسیح دی تعلیمات دے عنوان تے نظماں لکھیاں۔ اوہ ہک عیسائی زنانی ہَن جنہاں نے سماج دی خدمت مختلف طریقیاں نال انجام ݙِتی تے مادرِ وطن دا ناں وی روشن کِیتا۔

وفات

تورو دت 30 اگست 1877ء کوں بنگال دے شہر کلکتہ وچ انتقال کر ڳئیاں۔ انّھاں دی تدفین کلکتہ دے مانکتلا کرسچن قبرستان وچ تِھئی۔