تورا

تورا لوک گیتاں دی ہک قدیم صنف ہے جیڑھی اجکل نیں ملدی۔ کجھ لوک گیت تورا دے ناں نال ملدن۔ ایندے علاوہ اَڄ توں اَدھ صدی پہلے دے چھپئے ہوئے نعتیہ تورے وی ملدن۔ نعتیہ تورے اتے عنوان ݙتا ڳئے ’’نعت بطرز تورا‘‘ (74)۔ ایں توں معلوم تھیندے کہ تورے دی اپݨی ہک خاص طرز وی موجود ہئی ۔ اساکوں ڳول پھول نال ہک قدیم تورا ملیئے ملاحظہ کرو۔ ایں گیت وچ ہر انترے دا چھیکڑی ٻول اڳلے مصرعے نال رلا تے دُھرایا ویندے۔

تورا بیبا ۔ تورا بیبا

یاری تروڑی ویندیں وے بے نصیبا

بزار وکاندے آملے

تساں گورے تے اساں ہَیں سانولے

سانولے تے ݙاڈھے من بھانولے ۔ تورا بیبا

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان