تنوجا چندرا

تنوجا چندرا
معلومات شخصیت
پیدائش	سنہ 1969ء (عمر 55–56 سال)  لکھنؤ
شہریت	بھارت
عملی زندگی
پیشہ	مصنفہ ،  فلمی ہدایت کارہ ،  منظر نویس
	IMDB پر صفحہ

تنوجا چندرا ہک بھارتی فلم ڈائریکٹر تے لکھاری ہَن۔ انّھاں نے یش چوپڑا دی کامیاب فلم دل تو پاگل ہے (1997ء) دے سکرین پلے وچ شراکت کِیتی۔ اوہ زیادہ تر زنانیاں دے موضوعات تے مبنی فلماں دی ہدایت کاری کِیتے لکھیندیں ہَن۔ انّھاں دیاں فلماں دا موضوع زیادہ تر صنف نازک تے ہون٘دا ہَئی۔ انّھاں دیاں مشہور فلماں وچ دشمن (1998ء) تے سنگھرش (1999ء) شامل ہَن۔

خاندان

تنوجا چندرا دا جنم دہلی وچ تھیا۔ اوہ لکھاری وکرم چندرا تے فلم نقاد انوپما چوپڑا دی بھیݨ ہَن۔ انّھاں دے پیو فلم لکھاری کامنا چندرا ہَن۔

کیرئیر

چندرا نے اپݨے کیریئر دا آغاز 1995ء وچ کِیتا تے ٹی وی سیریز زمین آسمان (ٹی وی سیریز) نال ہدایت کاری دی شروعات کِیتی جیڑھی وچ تنوی اعظمی نے اداکاری کِیتی۔ 1996ء وچ انّھاں نے شبنم سکھدیو دے نال ہک ٹیلی ویژن سیریل "ممکن" دی ہدایت کاری کِیتی۔

1997ء وچ انّھاں نے یش چوپڑا دی فلم دل تو پاگل ہے دا سکرین پلے لکھیا جیڑھی ہک وݙی کامیاب فلم ثابت تھئی۔ انّھاں نے مہیش بھٹ دے نال مل تے زخم (1998ء) دا سکرین پلے لکھیا۔ ایں ئی سال انّھاں نے دشمن دی ہدایت کاری کِیتی جیڑھی وچ کاجول نے مرکزی کردار ادا کِیتا۔ اے فلم تنقیدی تے تجارتی لحاظ نال کامیاب رہی۔

انّھاں دی اڳلی فلم سنگھرش (1999ء) وی مہیش بھٹ دی پروڈیوس کِیتی ہوئی ہَئی، جیڑھی وچ اکشے کمار، پریتی زنٹا تے آشوتوش رانا نے مرکزی کردار ادا کِیتے۔

این٘دے بعد تنوجا چندرا نے کئی فلماں ڈائریکٹ کِیتیاں جنّھاں وچ دی میلوڈی آف لائف (2002ء) شامل ہَئی۔ انّھاں دی فلم زندگی راکس (2006ء) وچ سشمیتا سین نے اداکاری کِیتی۔ 2008ء وچ انّھاں نے ہوپ اینڈ اے لٹل شوگر دی ہدایت کاری کِیتی جیڑھی مکمل طور تے امریکا وچ شوٹ کیتی ڳئی ہَئی۔ 2016ء وچ انّھاں نے زی ٹیلی فلمز کِیتے ہک مختصر فلم سلوات دی ہدایت کاری کِیتی جیڑھی وچ کارتک آریان نے کم کِیتا۔