تمنا بھاٹیہ
| تمنا بھاٹیہ | |
|---|---|
 | |
|
| |
| معلومات شخصیت | |
| پیدائشی نام | (ہندی میں: तमन्ना भाटिया)[١] |
| پیدائش | 21 دسمبر 1989 |
| شہریت |  بھارت |
| عملی زندگی | |
| پیشہ | اداکار |
| پیشہ ورانہ زبان | ہندی ، انگریزی |
| دور فعالیت | 2005–تاحال |
 |
IMDB پر صفحہ |
درستی - ترمیم  | |
تمنا بھاٹیہ ہک بھارتی فلمی اداکارہ تے ماڈل ہن، جیہڑی تمنا دے ناں نال وی سنڄاتی ویندی ہے۔ اوہ بنیادی طور تے جنوبی بھارت دے سنیما وچ کم کریندی ہے تے تیلگو تے تامل فلماں دی ہک مشہور اداکارہ ہن۔
ابتدائی زندگی تے پس منظر
[لکھو | ماخذ وچ تبدیلی کرو]تمنا بھاٹیہ 21 دسمبر 1989ء کوں ممبئی، بھارت وچ سنتوش تے رجنی بھاٹیہ دے گھر پیدا تھئی۔ انہاں دا ہک وݙا بھابھرا ئی آنند وی ہے۔ انہاں دے پیو ہیرے دے کاروبار نال وابستہ ہن۔ تمنا بھاٹیہ سندھی ہندو گجر نسل نال تعلق رکھیندی ہے۔انہاں نے اپݨی اسکولی تعلیم ممبئی دے مانکے جی کوپر ایجوکیشن ٹرسٹ اسکول توں مکمل کیتی۔ بعد وچ انہاں نے اپݨا فلمی ناں تبدیل کرکے "تمناہ" رکھ ڳھدا۔تمنا نے 13 سال دی عمر وچ ای اداکاری دا آغاز کیتا، جݙݨ ہک ہدایت کار نے انہاں کوں اسکول دے سالانہ ݙینہہ دی تقریب وچ ݙٹھا تے مرکزی کردار دی پیشکش کیتی، جیہڑی انہاں نے قبول کر ڳھدی۔ ایندے بعد اوہ ہک سال تک ممبئی دے پرتھوی تھیٹر دا حصہ رہی۔2005ء وچ انہاں نے ابھیجیت ساونت دے البم "لفظوں میں" وچ وی کم کیتا۔
فلمی کیرئیر
[لکھو | ماخذ وچ تبدیلی کرو]تمنا نے اپݨے فلمی کیرئیر دا آغاز 2005ء وچ بالی وڈ فلم چاند سا روشن چہرہ نال کیتا۔ ایندے بعد اوہ جنوبی بھارت دی تیلگو تے تامل فلماں وچ کم کرݨ لڳی۔ 2013ء وچ اوہ ہندی-اردو سینما وچ فلم ہمت والا نال واپس آئی، جیندے وچ انہاں نے اجے دیوگن دے نال کم کیتا۔ 2014ء وچ انہاں دی بالی وڈ فلم ہمشکل ریلیز تھئی، جیندے وچ سیف علی خان، رتیش دیش مکھ، بپاشا باسو تے ایشا گپتا وی شامل ہن۔ انہاں دی اگلی فلم اینٹرٹینمنت ہئی، جیندے وچ اوہ اکشے کمار دے نال نظر آئی۔
2015ء وچ انہاں دی فلم باہوبلی: دی بیگننگ ریلیز تھئی، جیہڑی تریجھی سب توں زیادہ کمائی کرݨ آلی بھارتی فلم بݨی۔ ہندوستان ٹائمز دے مطابق ایہ فلم ہندوستانی سنیما دی تاریخ وچ سب توں زیادہ مہنگی فلم ہئی۔
صحت
[لکھو | ماخذ وچ تبدیلی کرو]اکتوبر 2020ء دے شروع وچ تمنا بھاٹیہ کووڈ-19 دی شکار تھی ڳئی تے انہاں کوں حیدرآباد دے ہک اسپتال وچ داخل کرایا ڳیا۔ 18 اکتوبر 2020ء کوں اوہ صحت یاب تھی ڳئین۔
ایوارڈز تے پزیرائی
[لکھو | ماخذ وچ تبدیلی کرو]تمنا بھاٹیہ کوں اپݨے کرداراں تے اداکاری دے کیتے کئی ایوارڈز تے پزیرائی ملی ہے۔ اوہ اپݨے منفرد انداز تے پرجوش اداکاری دی وجہ توں ناظرین تے تنقید نگاراں دی توجہ دا مرکز رہی۔
تمنا بھاٹیہ ہندوستانی سنیما دی ہک مقبول تے ہنر مند اداکارہ ہن، جنہاں نے اپݨے کم نال صنعت وچ ہک خاص مقام حاصل کیتا ہے۔[٢][٣]
فلموگرافی
[لکھو | ماخذ وچ تبدیلی کرو]| سال | فلم | کردار | زبان | ساتھی اداکار | تبصرہ |
|---|---|---|---|---|---|
| 2005ء | چاند سا روشن چہرہ | جیا اوبرائے | ہندی | سمیر آفتاب | |
| 2005ء | شری(مسٹر) | سندھیا | تیلگو | منوج منچو | |
| 2007ء | ویاباری | تمل | ایس جے سوریا | ||
| 2008ء | کالی داس | ارچنا | تیلگو | سوشانت | |
| 2009ء | ایان | یُمنا | تمل | سوریا (اداکار) | |
| 2009ء | پیا | چاروُ لتا | تمل | کارتھی (اداکار) | نامزد:-بہترین اداکارہ کے لیے فلم فیئر ایوارڈ - تمل |
| 2010ء | سورا | پُورنیما | تمل | وجے (اداکار) | |
| 2011ء | 100% لو | مہالکشمی | تیلگو | ناگ چیتنیا | بہترین اداکارہ کے لیے سائیں ایم اے اے ایوارڈ
نامزد:-بہترین اداکارہ کے لیے فلم فیئر ایوارڈ - تیلگو |
| 2011ء | بدری ناتھ | الك نندا | تیلگو | اللو ارجن | |
| 2011ء | اوسراویلی | نہاریکا | تیلگو | این ٹی آر جونئیر | |
| 2012ء | راچہ | چیتر(اممُو) | تیلگو | رام چرن | نامزد-بہترین اداکارہ کے لیے سائیں ایم اے اے ایوارڈ
نامزد-بہترین اداکارہ کے لیے فلم فیئر ایوارڈ - تیلگو نامزد-بہترین اداکارہ کے لیے سیماایوارڈ |
| 2012ء | ریبل | نندنی | تیلگو | پربھاس | |
| 2013ء | ہمتوالا | ہندی | اجے دیوگن | ||
| 2014ء | ہمشکل | شانیہ | ہندی | سیف علی خان | |
| 2014ء | اللوڈو شرينو | (مہمان کردار) | تیلگو | - | (خصوصی ظہور) |
| 2014ء | انٹرٹینمنٹ | ساکشی | ہندی | اکشے کمار | |
| 2014ء | اگاڈو | سروجا | تیلگو | مہیش بابو | |
| 2015ء | باہوبلی:دا بگننگ | اونتیکا | تیلگو | پربھاس | - |
حوالہ
[لکھو | ماخذ وچ تبدیلی کرو]- ↑ https://zeenews.india.com/hindi/zee-hindustan/web-stories/tamannah-bhatia-all-dashing-looks-will-make-you-speechless/1349968
- ↑ Sify (21 دسمبر 2009)۔ "Happy birthday Tamannaah"۔ Sify۔ اخذ شدہ بتاریخ 2020-10-23
- ↑ "Tamannaah turns designer with new jewellery venture"