تمثیل

حیوانی تے اخلاقی کہاݨیاں نال ملدی جُلدی کہاݨی دی ہک قسم ’’تمثیل‘‘ آکھی ویندی ہے ۔ تمثیل دُہری فطرت آلی کہاݨی ہوندی ہے ۔ ہک ایجھے رنگ ڈھنگ نال لکھی ویندی ہے جیندے وچ ظاہری واقعات دا باطنی واردات نال گھاٹا سانگا ݙکھایا ویندے اَتے کہاݨی دا ظاہر تے باطن منڈھ کنوں پاند تئیں بالکل سِدھا پندھ کریندے۔ باطنی واردات تے ڳالھیں عام طور تے گُجھیاں یا لُکیاں ہوئیاں ہوندن اَتے ایہ خارجی طور تے ورتے ڳئے استعارے ، علامتاں دے وسیلے نال نشابر تھیندن ۔ جݙاں جو ٻروپھلی تہہ استعاراں دے ہک دستے نال بݨے ہوئے نمائندہ جسماں دیاں شارتاں تے حرکتاں نال بیان کیتی ویندی ہے ۔ باطنی لحاظ نال ڳجھیاں ڳالھیں دا تعلق عام طور تے مذہب ، اخلاق ، تاریخ ، سیاست تے جسمانی تصورات نال ہوندے ۔ بروپھلی کہاݨی ہمیشہ کہیں فرضی قصے دی شکل وچ ہوندی ہے ۔ جیندے کردار اپݨے عمل تے ردِعمل نال خیالات تے واقعات دی بݨت کریندن ۔ بھل اپݨے مخصوص ذاتی تے اجتماعی اثرات نال باطنی تصورات آلے پاسے با مطلب شارتاں کریندن۔

ڈاکٹر غلام رسول مکرانی تمثیل (Allegory)دی تعریف کریندے ہوئے لکھدن:

’’انگریزی لفظ (Allegory)ہک یونانی لفظ (Allegoria)سے مشتق ہے ۔ لفظ"Allegoria" دراصل دو حصوں پر مشتمل ہے ۔ ایک حصہ (Allos)جس کے معنی ہوتے ہیں۔(Other)یعنی دوسرا اور دوسرا حصہ(Agoria)جس کے معنی ہوتے ہیں "Speaking"یعنی بولتے ہوئے ۔ چنانچہ الیگری کا مطلب ہوا ’’دوسرا بولتے ہوئے‘‘ اس مطلب کی رعایت سے الیگری کی اصطلاح کا مفہوم یہ ہوا کہ اس میں جو اوپری سطح پر جو بیان ہوا ہے وہ دوسرا ہے یعنی جو اوّل ہے اور اصل ہے وہ باطن میں چھپا ہوا ہے ۔ اس لئے الیگری کی ایک عام تعریف یہ کی گئی کہ یہ ایک ایسا اسلوب بیان ہے جس میں خارجی سطح کے حقیقی معنی کے بجائے باطنی سطح میں چھپے ہوئے مجازی معنی مراد لئے جاتے ہیں۔‘‘(14)

حوالہ

سرائیکی لوک قصیاں دے کردار، مصنف : شہزاد اسد خان لغاری ، ناشر: جھوک پرنٹرز ‘ ملتان