ترونی سچدیو
| ترونی سچدیو | |
|---|---|
|
| |
| معلومات شخصیت | |
| ڄمݨ | 14 مئی 1998 |
| وفات | 14 مئی 2012 (عمر 14 سال) |
| شہریت |  بھارت
|
| ماء پیو | ہرش سچدیو
گیتا سچدیو |
| عملی زندگی | |
| پیشہ | ماڈل ، فلم اداکارہ |
| پیشہ ورانہ زبان | ہندی ، ملیالم |
| دور فعالیت | 2003–2012 |
 |
IMDB پر صفحہ |
درستی - ترمیم 
| |
تارونی سچدیو (انگریزی: Taruni Sachdev)ہک بھارتی فلمی اداکارہ تے ماڈل ہن۔ انہاں نے 2004ء وچ فلم ویلیناکشترم نال فلمی دنیا وچ پیر رکھیا۔ ایں فلم دی وجہ توں انہاں کوں ملیالم دے ناظرین دی طرفوں خوب پزیرائی ملی۔ ایں سال انہاں نے فلم ساتھیام وچ وی کم کیتا۔ انہاں دی آخری فلم ویٹری سیلون (2014ء) ہئی، جیہڑی انہاں دے مرݨ دے ݙو سال بعد ریلیز تھئی۔ نیپال دے جیہڑے مسوم ایئرپورٹ دے نیڑے اگنی ایئر ڈورنیر 228 دے حادثے وچ انہاں دی وفات تھئی۔ انہاں دی ماء وی ایں حادثے وچ فوت تھی ڳئین۔
ذاتی زندگی
[لکھو | ماخذ وچ تبدیلی کرو]تارونی سچدیو دی پیدائش 14 مئی 1998ء کوں بھارت دے ممبئی وچ کاروباری ہریش سچدیو تے گیتا سچدیو دے گھر تھئی۔ انہاں نے بائی آوبائی فرمجی پیٹٹ گرلز ہائی اسکول وچ ناویں جماعت تک تعلیم حاصل کیتی۔
وفات
[لکھو | ماخذ وچ تبدیلی کرو]تارونی سچدیو 11 مئی 2012ء کوں نیپال دے ہک مہینے دے دورے تے روانہ تھئی۔ روانگی توں پہلے انہاں نے اپݨے تمام سہلیاں کوں ہاں نال لایا تے آکھیا: "میں تہاݙے نال آخری واری ملدی پئی ہاں۔" جݙݨ تارونی دے سہلیاں نے انہاں توں پچھیا جو کیوں؟ تاں انہاں نے جواب ݙتا: "میں صرف مذاق کر یندی پئی ہم ۔" تارونی نے اپݨیاں پچھلی چھٹیاں تے ویندے ہوئے کݙاہیں اپݨے سہلیاں کوں ایویں ہاں نال لا کے الوداع نہ آکھیا ہئی۔ 14 مئی 2012ء کوں، اپݨی 14ویں سالگرہ دے موقع تے، تارونی نیپال دے جومسوم ایئرپورٹ دے نیڑے اگنی ایئر ڈورنیر 228 دے حادثے وچ فوت تھی ڳئین۔
جہاز وچ سوار تھیوݨ توں پہلے، تارونی نے اپݨے ہک سہیلی کوں پیغام بھجوایا، جیندے وچ طنزیہ انداز وچ پچھیا: "اگر جہاز ݙھاہے کے تباہ تھی ڳیا تاں کیا تھیسی؟" تے آخر وچ انہاں نے "I love you" لکھیا۔ تارونی تے انہاں دی ماء دی لاشیں کوں کھٹمنڈو تے بعد وچ ممبئی ڳھن ڳٗے۔ انہاں دیاں آخری رسومات 16 مئی 2012ء کوں ممبئی وچ ادا کیتیاں ڳئین۔
فلمی کیرئیر
[لکھو | ماخذ وچ تبدیلی کرو]تارونی سچدیو نے اپݨے فلمی کیرئیر دا آغاز 2004ء وچ ملیالم فلم ویلیناکشترم نال کیتا۔ ایں فلم وچ انہاں دے کردار کوں ناظرین دی طرفوں خوب پزیرائی ملی۔ ایں سال انہاں نے فلم ساتھیام وچ وی کم کیتا۔ انہاں دی آخری فلم ویٹری سیلون (2014ء) ہئی، جیہڑی انہاں دی وفات دے ݙو سال بعد ریلیز تھئی۔
تارونی سچدیو دی مختصر پر اثر دار زندگی تے کیرئیر نے انہاں کوں فلمی دنیا وچ ہک خاص مقام ݙتا۔ انہاں دی وفات نے فلمی صنعت تے انہاں دے چاہوݨ آلیاں کوں ڳھاٹا صدمہ ݙتا ہئی۔
حوالہ
[لکھو | ماخذ وچ تبدیلی کرو]- ↑ انگریزی ویکیپیڈیا کے مشارکین۔ "Taruni Sachdev"