تحسین یزدانی
اصل ناں محمد افضل
قلمی ناں تحسینؔ یزدانی
ڄمݨ 1967ء
جاہ پتہ دفتر بزمِ ادب تحسین منزل مترو روڈ میلسی
تحسینؔ یزدانی دا تعلق میلسی نال ہے ۔اردو تے سرائیکی ݙوہاں زباناں وچ شاعری کریندن۔آپ دی خاص خوبی اے ہے جو آپ اپݨی شاعری وچ لفظیں کوں بے صوت نئیں کریندے۔نمونہ کلام!
غزل
وسیندین دل تے تیر سوچاں
رویندین رت دے نیر سوچاں
میݙے توں کئی کئی سوال پچھدین
اے بݨ تے منکر نکیر سوچاں
ہے روٹی اوکھی غریب کیتے
امیر دیاں ہن امیر سوچاں
ہے عشق پنوں ،خیال سسی
دماغ رانجھا تے ہیر سوچاں
اے دل محبت دا باد شاہ ہے
تے ایندیاں ہن وزیر سوچاں