تحریک استقلال
تحریک استقلال پاکستان دی ہک سابقہ اہم سیاسی جماعت ہئی جینکوں ایئر مارشل ریٹائرڈ اصغر خان نے تشکیل ݙتا ہئی۔ 1970ء وچ جسٹس پارٹی توں اپݨا سفر شروع کرݨ آلی ایں جماعت نے 1970ء دے انتخابات وچ کوئی خاص کامیابی حاصل نہ کیتی لیکن پاکستان دی سالمیت کیتے ایں نے ہمیشہ آواز بلند کیتی۔ اصغر خان نے اپݨے ملٹری پس منظر دے باوجود فوج دے سیاست وچ عمل دخل دی سخت مخالفت کیتی۔ ذوالفقار علی بھٹو دی حکومت دے خلاف اپوزیشن وچ ایں جماعت نے اہم کردار ادا کیتا اتے 1977ء دی احتجاجی تحریک وچ وی پیش پیش رہی۔ تحریک استقلال نے مشرقی پاکستان دے بحران دے دوران وی اتھوں دے عوام کوں پاکستان دے نال رہݨ دی تلقین کیتی اتے بھٹو حکومت دے خلاف پی این اے بݨاوݨ وچ وی ایں دا اہم کردار ہئی۔ اصغر خان نے جنرل ضیاء الحق دی حکومت وچ شمولیت دی پیشکش کوں ٹھکرا تے انہاں دی مخالفت کیتی جیندے نتیجے وچ انہاں کوں کئی سال نظر بند وی رہݨا پیا۔ طویل عرصے تک جدوجہد دے بعد جنوری 2012ء وچ تحریک استقلال نے پاکستان تحریک انصاف وچ ضم تھیوݨ دا اعلان کر ݙتا ہئی، تاہم 23 ستمبر 2020ء کوں ایں کوں ولا بحال کر ݙتا ڳیا اتے بیرسٹر سید نصرت علی شاہ ایں دے صدر بݨے۔[١][٢]
ٻیا ݙیکھو
[لکھو | ماخذ وچ تبدیلی کرو]- سیاست پاکستان
- تاریخ پاکستان
حوالہ جات
[لکھو | ماخذ وچ تبدیلی کرو]- ↑ Shaikh Aziz (13 جولائی 2014)۔ "A leaf from history: Was Asghar tipped as premier?"۔ 2018-12-25 کو اصل سے آرکائیو کیا گیا۔ اخذ شدہ بتاریخ 2018-07-26
- ↑ "Striking similarities between PTI and Tehrik-e-Istiqlal"۔ www.thenews.com.pk۔ 2018-12-25 کو اصل سے آرکائیو کیا گیا۔ اخذ شدہ بتاریخ 2018-07-26