تاریخ نائبِ مدینہ اوچشریف

جھوک پبلشرز ملتان دی طرفوں صداقت حسین خان (م) دی کتاب ’’تاریخ نائبِ مدینہ اوچشریف‘‘2011ء وچ شائع کیتی ڳئی۔ اوچ شریف مدینۃ الاولیاء ہے تے اے کتاب اوچ شریف دے اہم اولیاء تے صوفیاء دے احوال و تذکرہ تے مبنی ہے ۔ بزرگانِ دین دیاں کرامات ، حسب نسب، احوالِ حیات تے ادوار عملیات کوں بیان کیتا ڳئے مثلاً حضرت جلال الدین سُرخ پوش ؒ ثانی حیدر کرار، مخدوم جہانیاں جہاں گشتؒ وغیرہ ۔

احسان احمد اعوان صداقت حسین خان (م) دی کتاب ’’تاریخ نائبِ مدینہ اوچشریف‘‘تبصرہ کریندے ہوئے لکھدن جو:

’’ کتاب وچ اہم مزارات دیاں رنگین تصویراں وی موجود ہن ۔ اے کتاب دراصل مختلف کتاباں ’’تاریخ اوچ‘‘ ،’’خطہ پاک اوچ‘‘ و ’’تذکرۃ الاولیاء‘‘ تے دیگر قلمی مواد توں ماخوذ ہے۔‘‘

حوالہ

ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان)  نگران مقالہ: ڈاکٹر محمد ممتاز خان کلیانی