تاریخی کتب دا مطالعہ

تاریخی ادوار نال جڑایاں کتب دا راقم الحروف مطالعہ کریندا پئے ایں ٹائم راقم الحروف کنوں 7 کتب موجود ہن

نمبر 1) گل بہار بلوچ قبائل بلوچ اکیڈمی کوئٹہ ہتورام

نمبر 2) بلوچ قوم اتے اوندی تاریخ

نمبر 3) تاریخ تالپور

نمبر 4) تاریخ لاشار اور نتکانی

نمبر 5) مرقع دیرہ غازیخان حصہ اول و دوم

نمبر 6) دیرہ غازیخان آباد قبائل

نمبر 7) تاریخ ڈیرہ اسماعیل خان

ست کتب تے راقم الحروف دے زیر غور ہن

انہیں کتب دیوچ کئی چھوٹی چھوٹی قوماں کوں تمن اچ مختلف ادوار اچ شامل کیتا گئے اتے کئی قوماں کوں زبردستی شامل کیتا گئے المختصر کہیں تسلیم کیتے اتے کہیں انکار کیتے ہر کہیں دے مختلف حوالے ملدن ایں ہی بغلانی قبیلے دے حوالے ہر کتاب دیوچ درج ذیل ہن ایہ قبیلہ بغلان اتے کیچ مکران توں ہجرت کریندیں کریندیں رودن خان پسر بنگل خان پسر میر احمد خان بغلانی کوہ سلیمان دے دامن پہاڑ اندر آ آباد تھیا میر احمد خان بغلانی دے ڈو بھرا میر ولیہ خان بغلانی میر شیر محمد خان بغلانی دا حوالہ ملدے سن 1400ء دیوچ شیر محمد خان بغلانی تالپور جھڑپیں اچ ماریا گیا اتے تالپور فرد جاڑو خان وی ماریا گیا شیر محمد خان بغلانی دا نسب دے وچوں گدائی خان پتریں نال اللہ یار خان اتے بڈھا خان منگڑوٹھ توں ہجرت کریندیں ہوویں دیرہ غازیخان آ آباد تھیا

ہک بیا ء حوالے وچوں ملدے میر احمد خان بغلانی دے نسب وچوں فتح محمد خان ( ڈھکی ضلع دیرہ اسماعیل خان) ونج آباد تھیا اوندے پتر دے ناں غلام محمد فقیر 1819 دے دور رنجیت سنگھ دے واقعات توں پتہ لگدے اوں وخت رنجیت سنگھ بھاہ بال ڈتی ہئی ملتان دے بعد ہر موضع شہر شہر قاہر برپا کر ڈتا ہا غلام محمد فقیر چوٹی بالا توں ہجرت کر گیا ہا ڈھکی ڈیرہ اسماعیل خان جامع مسجد پیش امام اور خطیب رہے گے ہن 118سال لمبی عمر پائی 1938 دیوچ ایں جہان فانی توں رخصت تھئے ہک بیاء حوالے وچوں ملدے 1818 دیوچ نواب محمد اسد خان نتکانی ریاست سنگھڑ دا اصل حقدار ہا ایندے نال وی بغلانی قبیلے دا فرد مجید بغلانی نال ہا جیرھے ویلھے کھوسہ قبیلے نے نواب محمد اسد خان نتکانی دے پتر عظیم خان دے درمیان جھڑپ تھئی کئی رشتہ وغیرہ دا تنازعہ ہا بہرحال سلسلہ لمبا ہے کجھ حوالے واقعات میر احمد خان بغلانی کتب دیوچ درج ذیل کریسوں جیڑھی جو مختلف ادوار دیوچ تتر بتر تھئی گئ ہے جیڑھے لوک آہدن اساں لغاری تمن وچوں ہسے اتے اپنڑے نال دے آگو لکھدن انہیں دے اے دعوے بےبنیاد ہن۔بغلانی قبیلہ کہیں تاریخ دیوچ لغاری تمن اچ نہ شامل تھے نہ ہا۔ہاں دوستی تعلق ضرور تاریخی ادوار دیوچ ملدا کھڑے۔ اپنڑے ناں دے نال اپنڑے قبیلے دا ناں ہی لکھݨا چاہیدا ہے۔ ایویں کرݨ نال تہاݙی اصل شناخت برقرار رہندی ہے تے لوکاں کوں ایہ پتہ لڳدے کہ تہاݙا تعلق کہیں ٻئے تمن یا قبیلے نال کائنی، بلکہ تہاݙا تعلق "فلاں" قبیلے نال ہے۔ کہیں بئے دی مثال نئیں ڈیندا متاں کئی دوست ناراض نہ تھیون مثال دے طور تے، میڈا ناں "اورنگ زیب اورنگ " ہے، تاں تہاکوں ایویں لکھݨا چاہیدا ہے: "اورنگ زیب اورنگ بغلانی" ایں طرح تہاݙی شناخت واضح تھیندی ہے تے ایہ پتہ لڳدے کہ تہاݙا تعلق "بغلانی" قبیلے نال ہے۔ کہیں ٻئے قبیلے دا ناں لکھݨ غلط ہوسی، کیوں جو ایہ تہاݙی اصل پہچان کوں مبہم کر ݙیسی۔ قبیلائی تے سماجی روایات وچ قبیلے دا ناں لکھݨ بہوں ضروری ہوندے، تاکہ ہر فرد دی اصل پہچان محفوظ رہے۔