تابش دے ناں

محبوب تابش دے نانویں

میڈا راول میڈا سانول توں جیرھیاں پُٹھیاں گالہیں چہرہ والی کتاب(فیس بک) تے لکھدیں جیرے شول مریندیں خود بے چہرہ تھی ویندی۔کینجھیاں سوہنڑیاں نظماں لکھدا ہانویں۔کینجھے کینجھے شعر ٹھہینداں ہانویں۔یک دم اوپرا تھیا گئیں۔

نوہی لگدا ارشد اوہو ہئیں ؎

جے اوہو ہئیں تیکوں کیا تھی گے

میں تیڈے اکھریں دا عاشق آں تے تیڈیاں نظماں لوڑھ اِن ہر دم۔توں سانگھڑ دا سینگھا توں کاک ندی دا کھاٹو ۔ہاکڑہ وہنداں ڈٹھا ۔تئیں جانی رام توں یکتارے اُتے خواجہ پیر دی کافی سُنڑی۔اتنا بلندی تے ول فیس بُک تے پَستی دے شبد کتھوں آگِن۔ میڈا سوہنڑاں اساں مسافر بے انت سفریں دے۔ساکوں شغان نہ ماروں۔اساں تہاڈیں لکھتیں دے وینڑ سُنڑ تے آیوں۔تیڈے گھر الماریں دے وچ لاتھیاں انمول کتاباں ہاں لہا گِن بٹ بٹ روندیں۔نیر وہیندین۔پِٹ پِٹ قسماں چیندیں۔آہدین آدم دی تحقیر دیاں سطراں نئیں پڑھائیاں تابش سئیں کوں۔ صوفی تاج گوپانگ، سرپرست سوجھل دھرتی واس