بی بی راستی والدہ شاہ رکن عالم

بی بی راستی (بی بی پاکدامن)
معلومات شخصیت
مرݨ دی جاہ	ملتان پاکستان
پئے	صدر الدین عارف
اولاد	شیخ رکن الدین ابو الفتح
والد	سلطان جمال الدین

انہاں دا اسم گرامی بی بی راستی ہے۔ انہاں دا تعلق فرغانہ دے شاہی خاندان نال ہئی۔ انہاں دے پیو فرغانہ دے حاکم ہن جنہاں دا ناں سلطان جمال الدین ہئی۔

آپ بہاؤ الدین زکریا ملتانی دی نونہہ، صدر الدین عارف دی ذال اتے زمانے دے قطب شاہ رکن الدین عالم دی ماء ہن۔ آپ حافظہ قرآن ہن اتے باوضو تھی کے اپݨے پتر کوں ݙدھ پلیندیاں ہن اتے لوری وچ وی اپݨے ٻال کوں قرآن سݨیندی ہن۔

آپ وفات 695ھ وچ تھئی اتے آپ دا مقبرہ ملتان سٹی ٹیشݨ توں ݙو فرنگ جنوب وچ واقع ہے۔

آپ عوام و خواص وچ ام المریدین بی بی پاکدامن توں مشہور ہن۔

آپ اپݨے سوہرے مخدوم بہاؤ الدین زکریا ملتانی دے دست حق تے بیعت تھیاں ہن۔ بی بی راستی دے مزار دے نال ہک کھوہ ہے جتھاں تریمتیں اتے مرداں کیتے انج انج دھاوݨ دی جاء بݨی ہوئی ہے اتے بیمار دھاوݨ دے بعد شفا پیندن اتے منت دے طور تے مچھی اتے روٹی مزار تے تقسیم کریندن۔ اکثر تریمتیں دا ازدحام رہندا ہے۔