بی بی جنت مائی

الحاج بی بی جنت مائی شہر فرید چاچڑاں شریف دی رہݨ آلی وݙی نیک تے اللہ والی خاتون ہئی۔ آپ ست حج کیتے ہن۔ بی بی سیݨ محبوب الٰہی حضرت خواجہ خدا بخش دی خلیفی ہن۔ آپ فارسی بوستان تئیں تے قرآن شریف مولوی خوشدل صاحب کنوں پڑھیا ہئی۔ مائی جنت سرائیکی زبان دی شاعرہ ہن۔ آپ نے1225ھ مطابق 1811ء کوںچاچڑاں شریف وچ وفات پاتی۔ جنت مائی کوں اے شرف وی حاصل ہئی کہ انھاں خواجہ فریدؒ کوں ڄمدیں لا کھݙا یا تے پالیا پوسیا۔ حضرت خواجہ فریدؒ سئیں واسطے جنت مائی دی لکھی ہوئی لولی ٻہوں مشہور ہے۔

جیوے میݙا ڈھول ممولہ ڑی

جانی ہند سندھ دا ہے ڈھولہ ڑی

میکوں مرشد رنگ لاتے ڑی

رنگ لاتے دلبر جاتے ڑی

بھل غیر غرور دی طاعتے ڑی

تھیا دین ایمان سمولہ ڑی

………

لکھ جندڑی پیر توں گھولاں ڑی

تھی مست ولا حق ٻولاں ڑی

ہن مرشد من وچ پھولاں ڑی

پا پریت پریم دا چولا ڑی

جند جنت صدقے کیتی ڑی

رس رمز وحدت دی پیتی ڑی

اینویں ہاری بازی جیتی ڑی

وِسریا دل کوں غیر دا رولہ ڑی

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان