بیگم کلثوم سیف اللہ خان

فائل:Begum kasoom saif (cropped).jpg

بیگم کلثوم سیف اللہ خان

بیگم کلثوم سیف اللہ خان
معلومات شخصیت
پیدائش	7 دسمبر 1924 کرک، کوہاٹ، برطانوی ہندوستان
تاریخ وفات	26 جنوری 2015(2015-10-26) (عمر  90 سال)
قومیت	پاکستان
اولاد	انور سیف اللہ خان
بھیݨ / بِھرا	اسلم خان خٹک ،  یوسف خٹک
عملی حیاتی
پیشہ	سیاستدان، کاروباری خاتون
مادری زبان	اردو
پیشہ ورانہ زبان	اردو
اعزازات
2008 میں ہلال امتیاز بدست صدر پاکستان

بیگم کلثوم سیف اللہ خان (7 دسمبر 1924 - 26 جنوری 2015) ہِک پاکستانی کاروباری، سیاستدان، صنعتکار تے سماجی کارکن ہَن۔ اُنّھاں دا تعلق صوبہ خیبر پختونخوا، پاکستان نال ہئی۔ 1964ء تُوں 1990ء تئیں سیف گروپ آف کمپنیز دی چیئرپرسن رہیاں۔ 1970ء تے 1980ء دی دہائی وِچ بیگم کلثوم پاکستان وِچ پارلیمنٹیرین تے وفاقی وزیر رہی۔

ابتدائی حیاتی اَتے کَم کار

کلثوم 1924ء وِچ کوہاٹ دے نیڑے کرک وِچ ہِک پشتون گھرانے وِچ ڄَمّیاں ہَن۔ اوہ اِیں علاقے دے ݙو نامور پاکستانی سیاست داناں محمد اسلم خان خٹک تے یوسف خٹک دی بھیݨ ہَن۔ کلثوم نے غزنی لکی مروت دے ہِک معروف کاروباری شخصیت خان سیف اللہ خان نال شادی کِیتی ہئی۔ خان دا تعلق مروت قبیلے نال ہئی۔ خان نال اُنّھاں دے پَنج پُتر ہَن: انور سیف اللہ خان، سلیم سیف اللہ خان، ہمایوں سیف اللہ خان، جاوید سیف اللہ خان تے مشہور ماہر امراض قلب اقبال سیف اللہ خان۔ اُنّھاں نے اپݨے مرحوم شوہر دے کاروبار کوں اِیں حد تئیں ترقی ݙِتی جو 2017ء وِچ اِیہ ٹیکسٹائل، بجلی دی پیداوار، تیل تے گیس دی کھوج تے ٹیلی مواصلات دی صنعتاں دے شعبیاں وِچ پاکستان دی ہِک اہم کاروباری صنعت بݨ ڳئی۔

اُنّھاں کوں محمد ضیاء الحق دے دور حکومت وِچ جیل وِچ وی بند کِیتا ڳیا۔

ایوارڈ، موت تے میراث

• 2008ء وِچ صدر پاکستان پرویز مشرف نے ہلالِ امتیاز نال نوازیا۔
• بیگم کلثوم کوں پاکستان دی تاریخ دی پہلی زنانی وفاقی وزیر ہووݨ دا اعزاز حاصل ہئی۔ اوہ پاکستان دی قومی اسمبلی دی ممبر دی حیثیت نال وی خدمات انجام ݙے چُکیاں ہَن۔
• جِہڑیلے اُنّھاں دے شوہر سیف اللہ خان 49 سال دی عُمر وِچ 4 اپریل 1964ء کوں اچانک انتقال کر ڳئے، تاں اُنّھاں نے باقاعدہ کاروبار دی تربیت کائنی ہووݨ تے اپݨے کنبے دی پرورش کرݨ دی ذمہ داریاں دے باوجود اپݨا کاروبار سنبھالݨ کِیتے قدم چاتا تے بعد وِچ اُنّھاں نے اپݨے کاروباری انتظام تے کاروبار نال متعلق ہِک کتاب "میری تنہا پرواز" (میری سولو پرواز) دے ناں نال 2011ء وِچ شائع کِیتی۔
• پاکستان وِچ، اوہ معاشرتی طور تے وی ٻہوں سرگرم ہَن۔ بیگم کلثوم 1947ء تُوں آل پاکستان ویمن ایسوسی ایشن (اے پی ڈبلیو اے) دی بانی ممبر ہَن۔ اُنّھاں نے 1951ء تئیں اے پی ڈبلیو اے دی بانی، بیگم رانا لیاقت علی خان دے نال قریبی طور تے کم کِیتا۔

فوتڳی

اوہ 26 جنوری 2015ء کوں 90 سال دی عُمر وِچ انتقال کر ڳئیاں۔