بیگم پاشا ہارون

بیگم پاشا ہارون، آغا خان سوئم سلطان محمد شاہ دی بھتریجی ہن اتے 1937 وچ تحریک پاکستان دے اہم رہنما حاجی عبداللہ ہارون دے پتر یوسف ہارون نال انہاں دی شادی تھئی۔ شادی دے بعد انہاں نے کراچی وچ حاجی عبداللہ ہارون دی رہائش گاہ 'سی فیلڈ' وچ زندگی گزاری، جیہڑی تقسیم ہند توں پہلے سیاست دا مرکز ہئی۔

تحریک پاکستان وچ فعال کردار دی وجہ توں بیگم پاشا ہارون کوں محمد علی جناح، فاطمہ جناح، لیاقت علی خان، بیگم رعنا لیاقت علی، ایوب خان، اسکندر مرزا، ذوالفقار علی بھٹو اتے نصرت بھٹو جیہاں اہم رہنماواں کوں نیڑےتوں ڄاݨݨ دا موقع ملا، جنہاں وچوں کئی 'سی فیلڈ' وچ آندے ویندے اتے قیام کریندے ہن۔

بیگم پاشا ہارون بمبئی اتے پونا وچ پلی وݙی اتے انہاں دے ٻاپلݨ دا بیشتر حصہ لیڈی علی شاہ دے گھر گزرا۔ انہاں دے پئے یوسف ہارون ہندوستان وچ آغا خان (سوم) دے سوشل سیکریٹری ہن۔ 13 سال دی عمر وچ انہاں دی منقݨی یوسف ہارون نال طے پئی اتے 14 سال دی عمر وچ آغا خان نے انہاں دا نکاح پڑھایا جیندے بعد او فوری طور تے کراچی منتقل تھی ڳئیں۔

بیگم پاشا ہارون اپݨے خاندان اتے ساہوریں ݙوہیں وچ ٻہوں پیار و محبت نال رہیاں اتے انہاں دے ساہرا عبداللہ ہارون انہاں تے ٻہوں شفقت کریندے ہن۔