بیگم نصرت عبدالرشید

بیگم نصرت عبدالرشید دا تعلق بہاول پور دے ہک معروف علمی گھراݨے نال ہئی۔ حکیم عبدالرشید خود صاحبِ علم تے صاحب کتاب ہن۔ بیگم نصرت ہک سچی عاشق رسولؐ تے انتہائی عبادت گذار خاتون ہن۔ انھاں دی اولاد وچوں بشریٰ رحمن صاحبہ پاکستان دی مشہور لکھاری ہن۔ بیگم نصرت اردو ‘ پنجابی دے علاوہ سرائیکی زبان وچ وی شاعری کریندے ہن۔ آپ دا ہک مجموعہ کلام ’’دعائے نیم شبی‘‘ دے ناں نال شائع تھی چکے۔ نمونہ کلام:

اَڄ یار نے جھاتی پاتی ہے

میں صورت یار پچھاتی ہے

اَڄ ماہی نال وصال ہویا

ڳئی فرقت قرب کمال ہوئیا

میں نویں حیاتی پاتی ہے

اَڄ ماہی محرم حال ہوئیا

ہر زخمِ جگر پامال ہوئیا

اَڄ ہر دھڑکن من بھاتی ہے

اَڄ نصرت قسمت جاگی اے

ہویا وصل تے فرقت بھاگی اے

اَڄ ماہی لایا چھاتی اے

میں صورت یار پچھاتی اے

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان