بیٹی وائٹ

بیٹی وائٹ
(انگریزی میں: Betty White)
معلومات شخصیت
پیدائشی نام	(انگریزی میں: Betty Marion White)
پیدائش	17 جنوری 1922ء   اوک پارک
وفات	31 دسمبر 2021ء (99 سال)  برینٹووڈ، لاس اینجلس
وجہ وفات	سکتہ
طرز وفات	طبعی موت
رہائش	لاس اینجلس کارمل بحری، کیلیفورنیا
شہریت	ریاستہائے متحدہ امریکا
آنکھوں کا رنگ	نیلا
بالوں کا رنگ	خاکستری بال
قد	1.63 میٹر
جماعت	ڈیموکریٹک پارٹی
شریک حیات	لین ایلن (8 نومبر 1947–17 جولا‎ئی 1949) ایلن لڈن (14 جون 1963–9 جون 1981)
عملی زندگی
مادر علمی	بیورلی ہلز ہائی اسکول
پیشہ	مزاحیہ اداکار ،  ٹی وی شخصیت ،  گلو کارہ ،  مصنفہ ،  ٹی وی پروڈیوسر ،  صوتی اداکارہ ،  ماڈل ،  ٹیلی ویژن میزبان ،  فلم اداکارہ ،  منچ اداکارہ ،  گیم شو میزبان
مادری زبان	امریکی انگریزی
پیشہ ورانہ زبان	انگریزی
اعزازات
کیلیفورنیا ہال آف فیم (2010) اسٹار آن ہالی ووڈ واک آف فیم
دستخط
	IMDB پر صفحہ

بیٹی ماریون وائٹ لڈن (انگریزی: Betty Marion White Ludden) ہک امریکی اداکارہ تے مزاحیہ فنکار تھئی ہئی۔ ابتدائی ٹیلی ویژن دی شخصیت، سات دہائیاں پھیلیاں کیریئر دے نال، بیٹی وائٹ کوں تفریحی صنعت وِچ اپݨے وسیع کم تے کیمرے دے سامݨے تے پِچھوں کم کرݨ والیاں پہلیاں زنانیاں وِچوں ہک ہووݨ دی وجہ نال ڄاݨیا ویندا ہئی۔ اوہ ریاستہائے متحدہ وِچ سٹ کوم (لائف ود الزبتھ) تیار کرݨ والی پہلی زنانی ہئی، جیڑھی نے انّھاں کوں 1955ء وِچ ہالی ووڈ دی اعزازی میئر نامزد کراوݨ وِچ اہم کردار ادا کِیتے۔ بیٹی وائٹ کوں اڳوں ٹیلی ویژن دی زنانی اول آکھیا ویندا ہئی، ایہ عنوان 2018ء دی ہک دستاویزی فلم کِیتے ورتیا ویندا ہئی جیڑھی انّھاں دی زندگی تے کیریئر دی تفصیل ہوندی ہئی۔

ابتدائی زندگی

بیٹی ماریون وائٹ 17 جنوری 1922ء کوں اوک پارک، الینوائے وِچ ڄَمّی ہئی۔ انّھاں نے آکھیا کہ بیٹی انّھاں دا قانونی ناں ہئی نہ کہ الزبتھ دا مختصر ورژن جیویں جو عام طور تے تِھیندا ہئی۔ اوہ کرسٹین ٹیس دی اکلوتی اولاد ہئی، جو ہک گھریلو ساز تے ہوریس لوگن وائٹ، مشی گن توں لائٹنگ کمپنی دی ایگزیکٹو ہئی۔ انّھاں دے دادا ڈینش تے انّھاں دی نانی یونانی ہئی، انّھاں دیاں ݙوجھیاں جڑاں انگریزی تے ویلش ہن (انّھاں دی نانی تے دادی ݙوہائیں دادی کینیڈا دیاں ہن جنّھاں دیاں جڑاں اونٹاریو وِچ ہن)۔

بیٹی وائٹ دا خاندان 1923ء وِچ الحمرا، کیلیفورنیا منتقل تِھی ڳیا جݙݨ اوہ ہک سال توں کجھ زیادہ عمر دی ہئی تے بعد وِچ کساد عظیم دے دوران وہ لوگ لاس اینجلس چلے ڳئے۔ اضافی رقم کَمّݨ کِیتے انّھاں دے پیو نے کرسٹل ریڈیو بݨائے تے ہر اوہ چیز فروخت کر ݙتی جیڑھی اوہ کر سڳدے ہن۔ ڄݙوں جو ایہ ڈپریشن دا عروج ہئی تے شاید ہی کہیں دی وݙی آمدنی تِھیندی ہئی، ایں واسطے اوہ بعض مواقع تے کُتیاں سمیت ٻئے سامان کِیتے ریڈیو دا تبادلہ کریندے ہن۔

بیٹی وائٹ نے بیورلی ہلز، کیلیفورنیا دے ہوریس مان ایلیمنٹری اسکول تے بیورلی ہلز ہائی اسکول وِچ تعلیم حاصل کِیتی تے 1939ء وِچ گریجویشن کِیتی۔ جنگلی حیات وِچ انّھاں دی دلچسپی سیرا نیواڈا وِچ خاندانی تعطیلات توں پیدا تِھئی۔ اوہ ابتدائی طور تے فاریسٹ رینجر دے طور تے اپݨے کیریئر دی خواہش رکھدی ہئی، پر اوہ ایہنوں پورا کرݨ وِچ ناکام رہی ڄݙوں جو اُوں وقت زنانیاں کوں بطور رینجر کم کرݨ دی اجازت کائے نہ ہئی۔ انّھاں دی بجائے بیٹی وائٹ نے لکھݨ دی طرف توجہ ݙتی۔ انّھاں نے ہوریس مان اسکول وِچ ہک گریجویشن ڈرامہ لکھیا تے اِیں وِچ مرکزی کردار ادا کِیتا تے پرفارم کرݨ وِچ اپݨی دلچسپی دا پتہ لڳایا۔ اپݨے آئیڈیلز جینیٹ میکڈونلڈ تے نیلسن ایڈی توں متاثر تِھی کے، انّھاں نے بطور اداکارہ اپݨا کیریئر بݨاوݨ دا فیصلہ کِیتے۔