بینک الفلاح

بینک الفلاح پاکستان دا ہک وݙا نجی بینک ہے جیڑھا ابوظہبی گروپ دی ملکیت ہے۔ اے بینک 21 جون 1997 کوں کراچی وچ بݨایا ڳیا ہئی۔ پاکستان دے وݙے بینکیں وچوں ایں دا ستواں نمبر ہے۔ بینک الفلاح دیاں پورے مُلک وچ 662 توں ودھ شاخاں ہن، تے بنگلہ دیش، بحرین، متحدہ عرب امارات تے افغانستان وچ وی ایندیاں شاخاں موجود ہن۔ اے بینک مختلف مالیاتی خدمات ݙیندا اے جیندے وچ بچت کھاتے، کاروباری قرضے تے سرمایہ کاری شامل ہِن۔