بینش حیات

بینش حیات سابقہ پاکستانی بین الاقوامی ہاکی کھلاڑی تھئی ہَئی تے ہُݨ بین الاقوامی زنانیاں امپائر ہِن۔ اوہ پاکستان دی واحد بین الاقوامی زنانیاں امپائر ہِن ۔ 2017 دے بعد توں انّھاں کول "پرامسنگ امپائر" دا اعزاز ہے جیڑھا ایہ مطلب رکھیندا ہے جو اوہ کِسے وی بین الاقوامی میچ دی امپائرنگ دے فرائض سر انجام ݙیوݨ دی اہلیت رکھیندی ہِن۔

کَم کار بطورِ کِھݙار

بینش حیات نے گورنمنٹ کالج برائے زنانیاں وحدت روڈ لاہور توں تعلیم حاصل کِیتی۔ انّھاں نے ہاکی دے کھیل دا آغاز اپݨے کالج دے ݙینہاں توں کِیتا ۔

قومی کِھݙار

اپݨے کھیل دے پورے کیریئر (2004-2011) دے دوران بینش حیات نے واپڈا دی نمائندگی کِیتی ۔

بین الاقوامی کِھݙار

بینش حیات 2004 تے 2011 دے درمیان 10 کیپس حاصل کرݨ والی قومی ٹیم دا حصہ تھئی ہَئی۔

انّھاں دا واحد بیرون ملک ٹورنامنٹ 2006 وچ ایشین گیمز دے کوالیفائنگ میچ ہَن جیڑھے جون وچ ملائیشیا دے شہر کوالالمپور وچ منعقد تھئے جِتھاں انّھاں دی ٹیم چوتھے نمبر تے آئی ۔

انّھاں دی ٹیم نے دوحہ قطر وچ 2006 وچ منعقدہ ایشین گیمز کِیتے کوالیفائی کِیتا ہئی پر بعد وچ اوہ دستبردار تھی ڳئیں ۔

کیریئر بطور امپائر

انّھاں نے امپائرنگ دی تربیت پاکستانی بین الاقوامی امپائر حیدر رسول توں گِھدّی ۔

قومی امپائر

بینش حیات نے اکتوبر – نومبر 2020 وچ لاہور وچ منعقدہ مرداں دی نیشنل ٹرے ہاکی چیمپئن شپ وچ امپائرنگ دے فرائض سر انجام ݙتّے ۔

بین الاقوامی امپائر

بینش حیات نے دسمبر 2012 وچ سنگاپور وچ منعقدہ ویمن ایشیا کپ وچ اپݨے پہلے میچ وچ امپائرنگ کِیتی تے ہُݨ تک 49 میچاں وچ امپائرنگ دے فرائض سر انجام ݙے چُکی ہِن ۔ 2013 وچ تھائی لینڈ دے بینکاک وچ ایشین چیلنج وچ اپݨی کارکردگی دے نتیجے وچ انّھاں کوں ایف آئی ایچ نے باضابطہ طور تے "بین الاقوامی امپائر" دا درجہ ݙِتّا۔ انّھاں نے ایہ حیثیت 2017 تک جاری رکھّی، جِتھاں انّھاں دی ترقی تھئی تے پھر انّھاں کوں "پرامسنگ امپائر" دا درجہ ݙِتّا ڳیا۔ ایں حیثیت نال اوہ ایف آئی ایچ سمیت دنیا بھر دے میچاں وچ فرائض انجام ݙیوݨ دی حقدار ہِن۔

انّھاں نے سینئر تے جونیئر (21 سال توں کم عمر) سطحاں تے میچ کھیݙے ہِن ۔ انّھاں نے اولمپک یکجہتی تکنیکی کورس برائے کوچز تے ایف آئی ایچ کوالیفائڈ ہاکی اکیڈمی مدارس سمیت متعدد کورسز وی کِیتے ہِن۔ 2018 ایشین گیمز وچ، اوہ پول اے دے زنانیاں میچاں دے نال نال 9-10 درجہ بندی میچ وچ وی فرائض انجام ݙیندی ہَن ۔ اوہ 4 میچاں وچ فیلڈ امپائر، 2 وچ ریزرو امپائر تے 1 وچ ویڈیو امپائر ہَئی ۔