بیلن
ایں لوک گیت کوں ݙوں ہم قافیہ مصرعیاں دی وجہ توں بیلن سݙیا ویندے۔ اے اُٹھوالاں دا گیت ہے ۔ سندھ وچ ایندے زیادہ تر ٻول سرائیکی وچ ملدن۔ اے صنف ہو ٻہو ساگی بیت نال ملدی ہے:
پار دریائوں سوہنڑل پوکھے نی لیمیے
ݙینہ ڳنڑیندی میکوں لنگھ ڳئے مہینے
پار دریائو کاں جہڑھی مسیتے
پڑھ گھن نماز ول ملن نصیبے
پت دا چولا میکوں پاوݨ نہ ݙیندی
ویڑھے تیݙے میکوں آوݨ نہ ݙیندی
گھوک وے گیرا رب خیر کریسی
وچھڑئیے مارو میکوں رب ملیسی
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان