بیت

اینکوں ݙوں بیتا وی آہدن۔اے ݙوں مصرعیاں تے مشتمل ہوندے۔ ݙوہڑے ہیں ݙوں بیتے دی ودھیک شکل ہے۔ سب توں پہلے بیت اساکوں حضرت بابا فرید الدین گنج شکرؒ دے ملدن۔ ایندے بعد بیت ݙوہڑے داحصہ بݨ ڳیا مگر شعراء ݙو مصرعے دی بیت وی لکھدے رہ ڳئے۔ مگر صنف بیت دے سردار بابا فریدؒ ہن۔

فریدا ݙکھاں سیتی ݙینہ ڳیا سولاں سیتی رات

کھڑا پکارے پاتنی ٻیڑا کپروات

فریدا کالے میݙے کپڑے کالا میݙا ویس

گناہاں بھریا میں پھراں لوک آکھن درویش

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان