بہاولپور ڈویژن

Pakistan - Punjab - Bahawalpur (division)

سابق ریاست و صوبہ تے موجودہ ڈویژن بہاولپور روھی اوچ تے وادیِ ہاکڑہ (سرسوتی)دی تہزیب دا امین مسلسل آبادکاری تے وسائل دی لٹ مار کاݨ گزشتہ نصف صدی توں زوال پزیر تے تباھی دے چھیکڑی سرے تئیں پڄ چکے۔ موجودہ بہاولپور ڈویژن ترے اضلاع بہاولپور ،بہاولنگر،تے رحیمیارخاں تے مشتمل ھے ، پورے ڈویژن ءچ چؤݙا تحصیلاں ھن . منچن آباد،بہاولنگر ،چشتیاں،فورٹ عباس،ہارون آباد ، حاصلپور،خیرپور ٹامیوالی،یزمان،بہاولپور ،احمدپورشرقیہ، لیاقتپور ،خانپور ،رحیمیارخاں ،صادق آباد ،ھن پورے ڈویژن ءچ 368 یونین کونسلاں ھن اور آبادی ھک کروڑ پندرھا لکھ ھے ، پورے ڈویژن ءچوں قومی اسمبلی دی سیٹاں 15تےصوبائی اسمبلی دے32. ممبران ھن . ایندا رقبہ 45550. مربع کلومیٹر ھس ،آبادی دے درحق کل پنجاب دا تقریبآ ݙھا فیصد اور پاکستان دا پنج فیصد ھس ،جبکہ رقبے دے حساب نال پنجاب دا 23 %دے برابر ،تے پاکستان دے کل رقبے دا %6دے قریب ھے۔ نسلی تقسیم مطابق پورے خطہ ءچ سرائیکی58% فیصد ،پنجابی 30%فیصد .اڑدو %6فیصد تے باقی مارواڑی سندھی بلوچی تے ݙوجھے. %5 ھن۔ مزہبی تقسیم ءچ مسلمان 93% فیصد ھن، ہندو6% فیصد تے باقی کرسچن سکھ تے قادیانی وی شامل ھن۔ سیل گاہ سانگے مشھور جہیں ہیڈ پنجند، لال سوہنرا نیشنل پارک، قلعہ ڈراور، پورا چولستان (روہی) بھونگ شریف، پتݨ منارا، ہیڈ سیلمانکی، نور محل سمیت سمورے خطے وچ انڳݨت کھنڈیے سیکڑاں تاریخی ٹھیڑ، محلات، مزارات، تے قلعہ جات ہن۔