بہاول خاکی

ابے سئیں  کنے ہک شاعر اَمدے ہن، بہاول خاکی ۔اپݨا کلام سُݨیندے ہن، ابا سئیں  شونق نال سُݨدے ہن۔ داد وی ݙیندے ہن او وی کلام سُݨاوݨ سانگے باڑیے ودے ہوندے ہن، نِکی لال جلد آلی بندی گݙی دے کھیسے ء ِچ پاتی ودے ہوندے ہن۔ دھریجہ پھاٹک آلے پاسوں  سائیکل تے اَمدے ہن، الاہے لڑکیں  یا پتہ نی کیرھی وستی ء ِچوں  اَمدے ہن ہک کافی دے کجھ ٻول یاد تھی ڳے ہن:

بہاول خاکی دے پیر ہن کامل

ہر مشکل وچ رہندن شامل

دلڑی اہدی جلدی آ مِل

لڳڑے تیر ہن وہندے نیر ہن

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان