بہائو الدین زکریا یونیورسٹی
مشہور صوفی بزرگ حضرت بہائو الدین زکریا نال منسوب ہک جدید یونیورسٹی جیڑھی جو 1975ء کوں ملتان اچ قائم تھئی۔ ایں یونیورسٹی دے قیام توں پہلے ایم اے اُردو، معاشیات تے سیاسیات دی جماعتاں گورنمنٹ کالج بوسن روڈ اچ تھیندیاں ہن۔ یونیورسٹی دا نیو کیمپس ہک ہزار ایکڑ اراضی تے کھنڈیا ہویا ہے۔ شہر توں کافی فاصلے تے واقع ہے۔ اتھاں تک پُڄݨ کیتے پختہ سڑک تے بجلی و گیس دی سہولتاں دستیاب ہن۔ طلبہ تے طالبات کیتے انج انج ہوسٹل ہن۔ یونیورسٹی دی اپݨی ٹرانسپورٹ سروس ہے۔ اُستاداں کیتے رہائش کالونی، بینک تے ڈاک خانے دی سہولت وی موجود ہے۔ ستمبر1977ء توں لاء کالج وی یونیورسٹی توں ملحق تھی ڳیا۔ حال ای وچ انجینئرنگ دی تدریس وی شروع تھی ڳئی اے۔ یونیورسٹی دے پہلے وائس چانسلر ڈاکٹر خیرات ابن رسا ہن۔ انہاں دے بعد آنوݨ والے وائس چانسلراں دے اسمائے گرامی اے ہن۔ پروفیسر ڈاکٹر الطاف علی قریشی، ڈاکٹر محمدنذیر ربانی، ڈاکٹر خواجہ امتیازعلی، ڈاکٹر محمد اسحاق اختر،تے ڈاکٹرعاشق محمد خان دُرانی ہن۔
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء