بھے

بھے سرائیکی وسیب دی قدیم ترین روایتی ڈش ہے

اے دریا دی سوکھڑی ہے،کنول دے پودے دی ڄڑھ کوں بھ آھدن، ایندے اتے لڳے پھل کوں سرائیکی وچ"پٻݨ دیاں ٹکیاں آہدن" پٻݨ دیاں ٹکیاں دا ایں ویلے عروج دا موسم چلدا پے تے وݙے چھوٹے اینکوں شوق نال کھاندن، بھ غذائیت نال بھرپور سبزی ہے

ہزاراں سال قدیم دریاواں وچ رہوݨ آلی قوماں، مور، کہیل، موہاݨے تے جھٻیل ذاتاں دے لوک ایندا وپار کریندے آندن، تاہم ہݨ اے سبزی دریاواں توں ٻاہر وݙے پیمانے تے وی کاشت تھیوݨ لڳ ڳئی ہے