بھڳت راو

بھڳت راو ہڑپہ تہذیب نال تعلق رکھݨ والا ہک چھوٹا جہیں آثار قدیمہ دا ٹھیڑھ ہے۔ این٘دی کھاٹی ڈاکٹر ایس آر راؤ دی اڳواݨی اچ بھارتی آثار قدیمہ دے سروے کرݨ والیاں کیتی ہئی۔ بھڳت راو گجرات دے لمویں علاقے اچ بھروچ ضلع دی ہانسوٹ تعلقہ اچ واقع ہے۔ ایہ عرب سمن٘در دے ساحل دے نیڑے ہے تے اِتھوں عقیق دیاں کھاݨاں تئیں پُڄا ون٘ڄ سڳین٘دے اتے نربدا تے تاپتی دریاواں دیاں وادیاں دے جن٘گلاں آلیاں پہاڑیاں تئیں وی رسائی حاصل تھی سڳدی ہے۔

بن٘درگاہ

لڳدا ایہو ہے جو بھڳت راو ہک اہم بن٘درگاہ ہئی جیویں جو لوتھل ہئی۔ پر سمن٘در دا کھڑا پاݨی تے کِم دریا دے لوڑھ دی وجہ توں ایہ ٹھیڑھ وݙے پیمانے تے ڈھہہ ڳیا ہئی تے صرف ٻاہری علاقہ ای ہݨ دریافت کیتے باقی بچ ڳئے اتے سال دے اَٹھ مہینے ایہ ٹھیڑھ پاݨی اچ ٻُݙا راہن٘دے۔

اتھوں سِکے دے ٹکڑے، لوہے دے بھرے ہوئے مِٹی دے نمونے، پتھر دے موتی تے چمکدار برتن (مٹی دے برتن) بݨاوݨ دے ثبوت ملے ہِن۔ ممکن ہے جو ایہ لوتھل دے زمانے دی ہک تجارتی بن٘درگاہ ہووے۔

اہمیت

ݙیکھݨ اچ ایہ آیا ہے جو لوڑھ ہڑپائی وسن٘دیاں دے زوال/تباہی دے اہم وجوہات اچوں ہک ہئی۔ جیویں بھڳت راو، لوتھل، رن٘گ پور، دیسل پور، چانہوں دڑو وغیرہ۔

ایہ لمویں ہڑپائی وسن٘دیاں وچوں ہِک ہِے تے جموں کشمیر اچ واقع اُبھلی ہڑپائی وسن٘دی مان٘ڈا، جموں اتے بھڳت راو دے درمیان تقریباً 1350 کلومیٹر دا فاصلہ ہے۔