بھٹیاں

اسیݙی وستی ء ِچ وݙا بھٹہ تاں  میں نی ݙٹھا پر بھٹیاں  پکدیاں  ہن،وستی دے اکثر گھر پکے ہن ، آکھدن جو جئیں  گھر بݨاوݨا ہوندا ہا ،بھٹی پکیندا ہا،کستی سلھ تے ٹائل آلی سلھ بݨویندے ہن، سلھیں  تھپیندیاں  تے بھٹیاں  پکدیاں  اساں  آپ ݙٹھن،اسیݙی وستی دے کجھ بندے تھاپے ہن کجھ ٻاہروں وی امدے ہن بھٹی سانگے لکڑ دا انتظام تھی وینداہا ، ہر کہیں  دے وݨ اپݨے ہن، وݨ کپ تے سُکیندے ہن جیندے وݨ نہ ہوندے ہن او مانگویں  لکڑ نال کم چلا گھندا ہا، وݙے سیاݨے ہن وݨ کپ تے کاماں  کڑیاں  کڈھ گھندے ہن تے ٻالݨ بنا گھندے ہن پٹلے میڑھے بل پنجالی تے گھر دے کٹھیں  دا سامان بݨا ویندے ہن۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان