بھاڄی

غوست ،چاول ،مچھی کذانے پکدے ہن ،چݨے دی دال، موہری،مصری، تے مُنگ دی دال ہر آئے ݙینھ پکدی راہندی ہئی، ہرہر دال دی مُد کوں  کچی پکی کھمدے ہاسے ،کُوہل وی پکدے ہن۔سبزیاں  میہڑے، کدوں ،تُریاں  ،آلو،پالک ،پلی ،کریلے، مُنگرے ، مولی، میتھری،وتائوں وی پکدے رہ ویندے ہن۔جیویں  جیہڑی شئے دی مُد اَمدی ہئی شئیں  پکدیاں  ہن،کھُمبیں  دی بھاڄی وی کھمدے ہاسے ،روہی توں  ابے دا یار جیولا کھُمبیاں  ݙے ویندا ہا ۔ݙاڈی دال کوں  دُھونگاری ݙیندی ہئی ،سارے ویہڑے  ء ِچ پتہ لڳدا ہا جو دال پکدی پئی اے ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان