بگڑو
بگڑو سرائیکی لوک گیتاں دی ہک قدیم صنف اے. ہک روایت مشہور ہے کہ بگڑو ہک مئی ہئ جہیں اپݨے ہتھاں دے پالئے نینگر نال عشق کیتا ہئ. پر اوندے محبوب نے کہیں اپݨی سینگی نال شادی کر گھدی ہئ تے بگڑو نے ساری حیاتی اوندے فراق وچ جیڑھے گیت لکھیے او بگڑو دے ناں نال مشہور تھی ڳے.
بگڑو شعری/لوک گیتاں دی ہک قدیمی صنف ہے، جہڑی ماہیا دی صورت وچ ہوندی ہے. ماہیا دے ݙو مصرعے ہوندن، پہلا مصرعہ ادھا ہوندے،، تے این ادھے مصرعے وچ عام جیہی ڳالھ یا الفاظ ہوندن. ݙوجھا مصرعہ لمبا ہوندے تے اوندے وچ اصل مدعا بیان ہوندے.
- کوٹھے تے پھُل سُکدے
اندر بیمار پئی ہاں، ٻاہروں جندڑی دے مُل چکدے.
- کوٹھے تے راہ کائنی،
ملاں قاضی مسئلہ کیتا، یاری لاوݨ گناہ کائنی
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان
چھیڑو دی بَگڑو
[لکھو | ماخذ وچ تبدیلی کرو]وسوں نِسرے___ساگ میاں !
اللّٰہ سائیں ___دا رنگ ساوا
ساڈی سَرمی کوں بھاگ میاں
واہ وَگدے _____جھاگ میاں
نُور دی نائیں____چھِڑ پئی
سو ݨھی منجھیں دی مہاگ میاں_ !
ساڈی سئیں ہتھ___ واگ میاں
سَنجھ نِسرے_____ ٹُر پوندے
ڈینہ پورھیے دی____ جاگ میاں !
سانول گورمانی
ساوݨ دی بگڑو
[لکھو | ماخذ وچ تبدیلی کرو]*کوئی بدلی ساوݨ دی
*کوٹھے تے لہہ آئ ء.
*رت یار مالاوݨ دی
٢ـ
*کوئی بدلی ساوݨ دی
*اساں پۓ رسدے ہیں
*کر چیٹھ مناوݨ دی
٣ـ
*کوئ بدلی ساوݨ دی
*کجلا نیناں وچ
*کھڑی نیتی ء پاوݨ دی
*کوئ بدلی ساوݨ دی
بائ:سئیں ڈاکٹر اشو لال فقیر...