بکرمی تقویم

بکرمی تقویم ہک شمسی تقویم ہے جیہڑی برصغیر پاکستان تے ہندوستان وِچ صدییں توں رائج ہے۔ ایہ تقویم راجہ بکرم اجیت دے دور توں شروع تھئی ہے، اینکوں دیسی سال یا جنتری وی آکھیا ویندا ہے۔ ایں شمسی تقویم وچ سال ویساکھ دے مہینے توں تے قمری وچ سال چیتر دے مہینے توں شروع تھیندا ہے۔

بکرمی تقویم دے 365 ݙیہاڑے دے سال دے 9 مہینے 30 ݙیہاڑے ہوندن، ہک مہینہ ویساکھ 31 ݙیہاڑے دا ہوندے تے ݙو مہینے جیٹھ تے ہاڑ 32 ݙیہاڑے دے ہوندن۔ دیسی مہینے دی تاریخ ہر روز تبدیل تھیندی ہے۔

بکرمی ماہ (شمسی)

شمار	نام	پنجابی	سرائیکی	ہندی میں نام	گریگورین مہینے
1	ویساکھ	ਵੈਸਾਖ	ویساکھی	बैसाख	ادھا اپریل – ادھامئی
2	جیٹھ	ਜੇਠ	ڄیٹھ	जेठ	ادھا مئی –ادھا جون
3	ہاڑھ	ਹਾੜ	ہاڑ	हाढ़	ادھاجون – ادھاجولائی
4	ساون	ਸਾਵਣ	ساوݨ	सावन	ادھا جولائی – ادھااگست
5	بھادوں	ਭਾਦੋਂ	بادوں	भादों	ادھااگست – ادھا ستمبر
6	اسو	ਅੱਸੂ	اسوں	अस्सू	ادھا ستمبر – ادھا اکتوبر
7	کاتک	ਕੱਤਕ	کتیں	कातक	ادھااکتوبر – ادھا نومبر
8	مگھر	ਮੱਘਰ	مگھڑ	मग्घर	ادھانومبر – ادھادسمبر
9	پوہ	ਪੋਹ	پوہ	पोह	ادھا دسمبر – ادھا جنوری
10	ماگھ	ਮਾਘ	ماگھ	माघ	ادھاجنوری – ادھا فروری
11	پھاگن	ਫੱਗਣ	پھگݨ	फागुन	ادھا فروری – ادھا مارچ
12	چیت	ਚੇਤ	چیتر	चेत	ادھامارچ – ادھا اپریل

بکرمی ماہ (قمری)

	مہینا
1	چیتر	مارچ تے اپریل دے وچوں آوݨ آلا مہینہ
2	وساکھ	اپریل تے مئی دے وچوں آوݨ آلا مہینہ
3	جیٹھ	مئی تے جون دے وچوں آوݨ آالا مہینہ
4	ہاڑ	جون تے جولائی دے وچوں آوݨ آلا مہینہ
5	ساون	جولائی تے اگست دے وچوں آوݨ آلا مہینہ
6	بھادوں	اگست تے ستمبر دے وچوں آوݨ آلا مہینہ
7	اسوں	ستمبر تے اکتوبر دے وچوں آوݨ آلا مہینہ
8	کتیں یا کتک	اکتوبر تے نومبر دے وچوں آوݨ آلا مہینہ
9	مگھر	نومبر تے دسمبر دے وچوں آوݨ آلا مہینہ
10	پوھ	دسمبر تے جنوری دے وچوں آوݨ آلا مہینہ
11	مانگھ	جنوری تے فروری دے وچوں آوݨ آلا مہینہ
12	پھاگن	فروری تے مارچ دے وچوں آوݨ آلا مہینہ

بکرمی تقویم (جنتری) وِچ ہک ݙیہاڑے دے 8 پہر ہوندن، علاقائی ٻولیاں وچ اینکوں اٹھ پار آکھیا ویندا ہے۔ ہک پہر جدید گھڑی دے مطابق ترائے گھنٹیاں دا ہوندے۔

پہریں دے نام:

دھمی دا ویلا: سویرے6 وجے توں 9 وجے تک دا ویلا

ڈپارہیں دا ویلا: سوریرے9 وجے توں ݙینہہ 12 وجے تک دا ویلا

پیشی دا ویلا: ݙینہہ12وجے توں 3 وجے تک دا ویکا

دیگر دا ویلا: 3 وجے توں شام 6 وجے تک دا ویلا

نماشیں دا ویلا: شام 6 وجے توں رات 9 وجے تک دا ویلا

کفتاں دا ویلا: رات 9 وجے توں رات 12 وجے تک دا ویلا

ادھ رات دا ویلا: رات 12 وجے توں 3 وجے تک دا ویلا

اسور دا ویلا: سویرے 3 وجے توں سویرے 6 وجے تک دا ویلا

لفظ "ویلا" وقت دے مطلب وچ برصغیر دی کئی ٻولیا ں وچ ٻولیا ویندا ہے۔