بوݙی

زلانویں ہار سنگھار اِچ ٻوݙی کوں ہمیشہ حسن تے محبت دی نشانی سمجھیا ڳئے۔ پیار کرݨ والے ٻوݙی دیاں سوکھڑیاں ضرور ݙیندن۔ ٻوݙی دے گیت نکیاں چھوہریں دے گیتاں وچ وی ملدن تے وݙیاں زنانیاں دے گیت وی ایں موضوع تے ملدن۔ ٻالاں دا ہک گیت ہے ’’میݙی ٻوݙی دا چھݨکار ۔ ٻوݙی ونڄ پئی بازار ہے‘‘ وݙیاں زنانیاں ٻوݙی دے گیت خاص طور تے جھمر لا تے ڳاندئین:

ٻوݙی میݙی اِتھاں جھݨ پئی اے ‘ کھیݙاں میں رانجھے دے نال وے

گھڑ سنارے ٻوݙی آندی ‘ نو سو گھنگھرو دے نال وے ۔ ٻوݙی میݙی

ایں ٻوݙی کوں عطر لویساں ‘ گلی گلی مہکار وے ‘ ٻوݙی میݙی

ایں ٻوݙی دے سوداگر آئے ‘ نو سو گھوڑے سوار وے‘ ٻوݙی میݙی

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان