بنگلہ دیش میں خواتین

بنگلہ دیش وِچ زنانیاں (اردو: بنگلہ دیش میں خواتین) (انگریزی: Women in Bangladesh) دا موقف پِچھوکڑ کُجھ صدیاں توں متواتر طور تے بَدلدا رِیہا ہِے۔ موجودہ بنگلہ دیش دے علاقے وِچ کہِیں زمانے وِچ زنانیاں تعلیم کِیتے ترسدیاں ہَن، تاہم جدید دور وِچ تعلیم عام تِھی چُکّی ہِے۔

عوامی جائیں وِچ ہراسانی اَتے اِین٘دے اُتے قابو پاوݨ دے اقدامات

ہِک تحقیق دے مطابق بنگلہ دیش وِچ ٩٤ فیصد زنانیاں کوں عوامی جائیں اُتے ہراسانی دا سامھݨاں کرݨاں پوندا ہِے اَتے وَدھ تر زنانیاں دا استحصال اِنّھاں دے ٹَٻَّر دے لوک یا ساک دار کرین٘دے ہِن۔ اِیہو جئیں حلات وِچ بنلگہ دیش دیاں زنانیاں وِچ دفاع خودی دی تربیت حاصل کرݨ دا رُجحان وَدھ رِیہا ہِے۔ ڈھاکا دے کراٹے سکولاں وِچ زنانیاں تربیت حاصل کرین٘دیاں پئیاں ہِن۔

رجعت پسند فتواں اُتے روک دے ذریعے زنانیاں دا تحفّظ

حکومتِ بنگلہ دیش آپ کوں ہِک سیکولر اَتے ترقی پسند حکومت ثابت کرݨ کِیتے قدامت پسند مذہبی حلقیاں اُتے لگام کسین٘دی پئی ہِے جیڑھے زنانیاں دی معاشی خوش حالی کوں فتواں دے ذریعے روکین٘دے پئے ہَن۔ ٢٠١٧ء وِچ اِیہو جئیں ای ہِک واقعے وِچ بنگلہ دیشی پُلس نے کھیتاں وِچ زنانیاں دی ملازمت دے خلاف مبینہ فتویٰ جاری کرݨ آلے مَسِیت دے اِمام کوں پَھد گِھدّا ہئی۔ مَسیت دے اِمام دے نال نال ٥ ذِمّے واراں دے خلاف مقدمہ درج کر ݙِتّا ڳیا ہئی۔ امام نے جُمعہ دی نماز دے بعد زنانیاں دے گھر توں ٻاہر نِکل تے کَم کرݨ دے خلاف فتویٰ ݙِتّا ہئی۔

بین الاقوامی کارُوبار وِچ زنانیاں

بنگلہ دیش دیاں زنانیاں صنعتکاراں دی ایسوسی ایشن اَتے چین دے کون مینگ شہر دی زنانیاں دی فیڈریشن دا اجلاس ٢٠١٨ء وِچ ڈھاکا وِچ منعقد تھِیا۔ ݙُون٘ہائیں مُلخاں دیاں زنانیاں نے بنگلہ دیش وِچ زنانیاں تاجراں کوں درپیش موقعیاں اَتے چیلنجاں اُتے بحث کِیتی۔ اِیں طرح دی کوشِتاں دے ذریعے بنگلہ عالمی کاروبار وِچ اپݨے قدم وَدھا رِیہا ہِے اَتے مُلخ دیاں زنانیاں وِچ پیش رفت دی کوشِت کر رِیہاں ہِن۔

ٻِیا ݙیکھو

• بنگلہ دیش
• زنانیاں کوں اختیار آلا بݨاوݨ
• زنانیاں دے حقوق