بلتی قوم
بلتی لوگ تبتی نسل تے درد نسل نال تعلق رکھدن جیہڑے گلگت بلتستان، لداخ تے پاکستان و بھارت دے مختلف وݙے شہراں اچ چھوٹی وݙی تعداد اچ آباد ہن۔ لداخی نسل تے پوریگ نسل وی ہیں نسل دے ہن۔ بلتی لوگاں دی زیادہ آبادی پاکستان دے نیم صوبے گلگت بلتستان اچ آباد ہے جبکہ ہک چھوٹا گروہ بھارت دے زیر قبضہ کشمیر دے لداخ علاقے اچ آباد ہے۔ بلتی لوگ بلتی زبان ٻلیندن تے انہاں دا اکثریت مذہب شیعہ اسلام ہے۔ گلگت بلتستان دے علاوہ بلتی لوگاں دے چھوٹے چھوٹے گروہ پاکستان دے وݙے شہراں (جیویں کہ کراچی، راولپنڈی، لاہور تے اسلام آباد وغیرہ) اچ آباد ہن۔