بلبل خاتون

بلبل خاتون (ترکی زبان: Bülbül Hatun) (وفات: 1515ء) عثمانی سلطان بایزید ثانی دی زوجہ تے ملکہ سلطنت عثمانیہ ہئی۔

سوانح

بلبل خاتون دا سال ڄَمَّݨ تے ابتدائی حیاتی دے بارے وِچ معلومات دستیاب کائنی۔ بلبل خاتون دی شادی عثمانی خاندان دے شہزادہ بایزید ثانی نال اُوں وقت تھئی جݙݨ اوہ اماسیا دا گورنر ہئی۔ 3 مئی 1481ء کوں عثمانی سلطان محمد ثانی دے انتقال دے بعد بلبل خاتون بایزید ثانی دے نال استنبول آ ڳئی تے ایں ئی سال انّھاں دے پُتر شہزادہ احمد کوں اماسیا دا گورنر مقرر کر ݙتا ڳیا جتّھاں اوہ انّھاں دے نال چلی ڳئی۔ لادیک شہر وِچ بلبل خاتون نے ہک مسجد تے حمام خانہ، باورچی خانہ تعمیر کروائے تاں جو عوام کوں سہولت پُڄائی ونڄ سڳے۔ بورصہ شہر وِچ ہک مدرسہ تعمیر کروایا۔ 1507ء وِچ شہزادہ محمود دی وفات دے بعد اماسیا وِچ اوں دا مقبرہ تعمیر کروایا۔ 24 اپریل 1513ء کوں شہزادہ احمد دے انتقال دے بعد اوہ بورصہ آ ڳئی تے ینی شہر، بورصہ وِچ شہزادہ احمد دا مقبرہ تعمیر کروایا۔ ایں دے بعد اوہ ینی شہر، بورصہ وِچ ئی مقیم رہی تے 1515ء وِچ سلطان سلیم ثانی دے عہدِ حکومت وِچ انتقال کر ڳئی۔ تدفین احاطہ مرادیہ، بورصہ شہر وِچ کیتی ڳئی۔

اولاد

بلبل خاتون دی 6 اولاداں تھیاں جنّھاں وِچ 2 شہزادے تے 4 شہزادیاں ہن:

1. 1. شہزادہ احمد: 1466ء وِچ اماسیا وِچ ڄَمّیا تے 24 اپریل 1513ء کوں ینی شہر، بورصہ وِچ انتقال کر ڳیا۔ 1481ء توں 1483ء تک اماسیا دا گورنر ریہا۔ بعد وِچ 1483ء وِچ ول گورنر مقرر کیتا ڳیا تے 24 اپریل 1513ء تک ایں ئی عہدے تے فائز ریہا۔
2. 2. شہزادہ سلطان محمود: 1475ء وِچ اماسیا وِچ ڄَمّیا تے 1507ء وِچ مانیسا وِچ انتقال کر ڳیا۔ 1504ء وِچ کستمانو دا گورنر بݨیا تے 1504ء توں 1507ء تک مانیسا دا گورنر ریہا۔
3. 3. گوہرملوک شاہ خاتون: 1480ء وِچ ایں دی شادی داماد دقاقن زادے محمد پاشا نال تھئی۔ سال ڄَمَّݨ تے سال وفات ڄاݨاں نی سڳا۔
4. 4. خدیجہ خاتون: داماد فائق پاشا نال شادی تھئی۔ سال ڄَمَّݨ تے سال وفات ڄاݨاں نی سڳا۔
5. 5. خندی خاتون: 1484ء وِچ داماد ہرسکزادے احمد پاشا نال شادی تھئی۔ سال ڄَمَّݨ تے سال وفات ڄاݨاں نی سڳا۔
6. 6. شہزادی شاہ خاتون: 1490ء وِچ داماد نصوح بے نال شادی تھئی۔ سال ڄَمَّݨ تے سال وفات ڄاݨاں نی سڳا۔