بغاوت چنار

چَنّار لہلہ یا بغاوت چنار، جینکوں مارو مرکل سمارم وی آکھیا ویندا ہے، ایں توں مراد 1813ء توں 1859ء تک پنائیری نادر تریمتیں دی ریاست تراونکور وچ اپݨیاں چھاتیاں کوں لکاوݨ کیتے جسم دے اتلے حصے تے کپڑے پاوݨ دے حق کیتے لڑائی ہے۔ 19ویں صدی وچ تراونکور دے اندر، کہیں دے سینے کوں اُچے درجے دے لوکاں کیتے ننگا رکھݨ؛ مرداں اتے تریمتیں ݙونہاں دی طرف توں احترام دی علامت سمجھا ویندا ہئی۔ ایں طرح، نچلے درجے آلیاں ذاتاں، جیویں پنائیری نادر اتے ایزھاوا کوں اُچے درجے دے اراکین دی موجودگی وچ اپݨا سینہ ننگا کرݨا پوندا ہئی۔ درجہ بندی دی نایر ذات، جینکوں بدلے وچ اڄ وی اعلیٰ درجہ دے نمبودری برہمن دی موجودگی وچ ایویں کرݨا پوندا ہئی۔ برہمن، ہندو رسمی درجہ بندی دے نظام دے عروج تے ہن جینکوں ورن دے ناں نال ڄاݨا ویندا ہے، صرف ہک دیوتا دی موجودگی وچ اپݨا سینہ ننگا کریندے ہن۔