بری لارسن

بری لارسن
(انگریزی میں: Brie Larson)
معلومات شخصیت
پیدائشی نام	(انگریزی میں: Brianne Sidonie Desaulniers)
پیدائش	1 اکتوبر 1989ء (36 سال)  سکرامنٹو
رہائش	نیویارک شہر
شہریت	ریاستہائے متحدہ امریکا کینیڈا
قد	67 انچ
ساتھی	ایلکس گرین والڈ (2013–جنوری 2019) ایلیا ایلن بلٹز
عملی زندگی
مادر علمی	امریکن کنزرویٹری تھیٹر
پیشہ	ادکارہ ،  گلو کارہ ،  فلمی ہدایت کارہ ،  منظر نویس ،  فلم اداکارہ ،  ٹیلی ویژن اداکارہ ،  فلم ساز ،  ٹی وی پروڈیوسر ،  ہدایت کارہ
مادری زبان	انگریزی ،  فرانسیسی
پیشہ ورانہ زبان	انگریزی ،  فرانسیسی
شعبۂ عمل	کمپوزنگ ،  اداکاری ،  موسیقی ،  فلم سازی
کارہائے نمایاں	روم
اعزازات
آسکر اعزاز برائے بہترین اداکارہ   (برائے:روم ) (2016) گولڈن گلوب ایوارڈ برائے بہترین اداکارہ – موشن پکچر ڈراما (برائے:روم ) (2016) بافٹا ایوارڈ برائے بہترین اداکارہ مرکزی کردار میں   (2016)
نامزدگیاں
آسکر اعزاز برائے بہترین اداکارہ   (2016)
دستخط
ویب سائٹ	باضابطہ ویب سائٹ،  باضابطہ ویب سائٹ
	IMDB پر صفحہ
بلاگ	https://brielarsonspeaks.blogspot.com/

بریئن سیڈونی ڈیسالنیئرز (انگریزی: Brianne Sidonie Desaulniers) پیشہ ورانہ طور تے بری لارسن دے ناں نال ڄاݨیاں ویندین، ہِک امریکی اداکارہ تے فلم ساز ہِن۔ ہِک نوجوان دے طور تے کامیڈی وِچ اپݨے معاون کرداراں کِیتے ڄاݨیاں ویندین، اِیں دے بعد اوہ آزاد فلماں تے بلاک بسٹراں وِچ اہم کرداراں تئیں پُڄ ڳئین۔ بری لارسن مختلف تعریفاں دی وصول کنندہ ہِن، جیندے وِچ اکیڈمی ایوارڈز، گولڈن گلوب ایوارڈ تے ہِک پرائم ٹائم ایمی ایوارڈ شامل ہِن۔ ٹائم میگزین نے اُنّھاں کوں 2019 وِچ دنیا دی 100 بااثر ترین شخصیات وِچوں ہِک قرار ݙِتّا۔

سکرامنٹو، کیلیفورنیا وِچ ڄَمّیاں ہوئیاں، بریئن سیڈونی ڈیسالنیئرز گھر تے تعلیم یافتہ ہَن۔ 6 سال دی عُمر وِچ اوہ امریکن کنزرویٹری تھیٹر دے تربیتی پروگرام وِچ داخل تھیوݨ والی سب توں نکی عُمر دی طالبہ بݨ ڳئین۔ اوہ جلدی ئِ لاس اینجلس منتقل تھی ڳئین تے 1998 وِچ دی ٹونائٹ شو ود جے لینو وِچ مزاحیہ خاکے نال اپݨے اداکاری دا آغاز کِیتا۔ اوہ 2001 دے سیٹ کام وِچ باقاعدہ طور تے نظر آئین۔

ابتدائی حیاتی

بری لارسن 1 اکتوبر 1989 کوں سکرامنٹو، کیلیفورنیا وِچ ہیدر ڈیسالنیئرز تے سلوین ڈیسالنیئرز دے گھر ڄَمّی ہِن۔ اُنّھاں دے والدین ہومیوپیتھک ڈاکٹر ہَن جیڑھے ہِک ٻئے دے نال پریکٹس کریندے ہَن تے اُنّھاں دی ہِک ٻئی دِھی وی ہِے۔ اُنّھاں دے پیو فرانکو-مانیٹوبن ہِن تے ٻالپݨ وِچ بری لارسن اپݨی پہلی ٻولی دے طور تے فرانسیسی ٻولیندی ہئی۔ اوہ زیادہ تر گھر تے تعلیم یافتہ ہَن، جیندے بارے وِچ اُنّھاں دا خیال ہِے جو اِیندے نال اُنّھاں کوں اختراعی تے تجریدی تجربات ڳولوݨ دی اجازت مِلّی ہئی۔ اپݨی ابتدائی حیاتی دے بارے وِچ ݙسّدیاں ہوئیاں بری لارسن نے آکھیا ہِے جو اوہ "سِدّھیاں تے چوکور" ہَن تے جو اُنّھاں نے اپݨی ماں دے نال گہرا رشتہ جوڑیا پر شرمیلی ہَن تے سماجی اضطراب دا شکار ہَن۔ گرمیاں دے دوران، اوہ اپݨیاں گھریلو فلماں لکھّدیاں تے ڈائریکٹ کریندیاں ہَن جیندے وِچ اوہ اپݨے کزنز کوں کاسٹ کریندیاں ہَن تے اپݨے گیراج وِچ فلمایا کریندیاں ہَن۔ 6 سال دی عُمر وِچ اُنّھاں نے اداکارہ بݨݨ وِچ دلچسپی ݙکھائی، بعد وِچ اِیہ ریمارکس ݙتّے جو "تخلیقی فنون صرف ہِک ایجھی چیز ہئی جو ہمیشہ میݙے اندر رہندی ہئی"۔ اِیہی سال اُنّھاں نے سان فرانسسکو دے امریکن کنزرویٹری تھیٹر دے تربیتی پروگرام کِیتے آڈیشن ݙِتّا، جِتّھاں اوہ داخل تھیوݨ والی سب توں نکی عُمر دی طالبہ بݨ ڳئین۔