برینڈی وائن دی جنگ 1777

برینڈی وائن دی جنگ ، جینکوں برینڈی وائن کریک دی جنگ وی آکھیا ویندے ، امریکی انقلابی جنگ (1775-1783) دے حصے دے طور تے 11 ستمبر 1777 کوں جنرل جارج واشنگٹن دی امریکی کانٹی نینٹل آرمی اتے جنرل سر ولیم ہووے دی برطانوی فوج دے درمیان لڑی ڳئی ۔ فوجاں چاڈز فورڈ ، پنسلوانیا دے نیڑے ملیاں ۔ امریکی انقلاب دی کہیں ٻئی جنگ دے مقابلے برینڈی وائن وچ ودھ فوجیاں جنگ لڑی ۔ ایہ جنگ منموتھ دی جنگ دے بعد جنگ دی ݙوجھی طویل ترین ہک ݙینہہ دی جنگ وی ہئی ، جیڑھی 11 گھنٹیاں تک ساندھوڑاندھ جاری رہی ۔

ایں جنگ وچ جنرل سر ولیم ہووے دی اڳواݨی وچ برطانوی فوج جنرل جارج واشنگٹن دی اڳواݨی وچ امریکی کانٹی نینٹل آرمی تے حملہ کیتا ۔ برطانوی فوج دا مقصد فلاڈیلفیا شہر تے قبضہ کرݨا ہئی ، جیڑھا اوں ویلھے امریکی کانگریس دا ہیڈ کوارٹر ہئی ۔

برطانوی فوج دی تعداد امریکی فوج توں ودھ ہئی اتے انہاں دے کول بہتر ہتھیار وی ہن ۔ انہاں دے کول تجربہ کار فوجی کمانڈر وی ہن ۔

ݙوہیں فوجاں وچ سخت لڑائی تھئی ۔ برطانوی فوج امریکی فوج کوں گھیر گھدا اتے انہاں تے حملہ کر ݙتا ۔ امریکی فوج کوں باری نقصان تھیا اتے انہاں کوں پچھوں تے ہٹݨ تے مجبور تھیوݨا پیا ۔

برینڈی وائن دی جنگ امریکی انقلابی جنگ وچ ہک اہم موڑ ثابت تھئی ۔ ایں جنگ وچ برطانوی فوج دی فتح انہاں دے حوصلے کوں ودھایا اتے انہاں کوں فلاڈیلفیا تے قبضہ کرݨ وچ مدد ݙتی ۔ ایں جنگ امریکی فوج دی طاقت کوں کمزور کر ݙتا اتے انہاں دے حوصلے پست کر ݙتے ۔ ایں جنگ ثابت کیتا کہ برطانوی فوج امریکی فوج دے مقابلے وچ زیادہ طاقتور ہئی اتے او انہاں کوں شکست ݙیوݨ دی صلاحیت رکھدی ہئی ۔ ایں جنگ دے نتیجے وچ برطانوی فوج دا علاقے تے کنٹرول ودھ ڳیا اتے امریکی فوج دی طاقت گھٹ تھی ڳئی ۔ ایں فتح برطانوی فوج کوں فلاڈیلفیا تے قبضہ کرݨ وچ اہم کردار ادا کیتا ، بھانویں جو امریکی فوج چھیکڑبازی جنگ جتݨ وچ کامیاب رہی ۔