برگاؤں

برگاؤں سن٘دھ وادی دی تہذیب دا ہک آثار قدیمہ دا ٹھیڑھ ہے۔ ایہ ٹھیڑھ ضلع سہارنپور، اتر پردیش، ہن٘دوستان وچ واقع ہے۔

پچھاترا ہڑپائی

ایہ ٹھیڑھ پچھاترے ہڑپائی جُڳ نال تعلق رکھدے، جین٘دے وچ گیرو رن٘گ دے مٹی دے برتن ملئے ہن۔

گیرو رن٘گ دے مٹی دے برتناں دی ثقافت ہن٘د گن٘گا دے میدان دی کانسی دور دی ثقافت ہے جیڑھی عام طور تے 2000–1500 قبل مسیح دی سمجھی وین٘دی ہے،ایہ پوادھی پن٘جاب توں اُبھے پوادھی راجستھان اتے پچادھی اتر پردیش تئیں کھن٘ڈی ہوئی ہے۔

ایں ثقافت دیاں لبھتاں پچھاتری ہڑپہ ثقافت اتے ویدک ثقافت ݙوہیں نال بھان٘د رکھین٘دین۔ ماہر آثار قدیمہ اکینوری یویسوگی این٘کوں پچھاترے ہڑپائی بارا طرز دی آثار قدیمہ نال سلھڑ سمجھدے، جݙاں جو پارپولا دے مطابق، ایں ثقافت وچ گاݙیاں دی دریافت برصغیر پاک و ہن٘د وچ ہن٘د-ایرانی لݙ پٹاݨ کوں ظاہر کرین٘دی ہے، جیڑھی پچھاتری ہڑپائی لوکائی کیتی ہئی۔ این٘دے بعد سرمئی برتناں دی ثقافت اتے ول اُبھلا کالا چمکیلا برتن آیا۔