برکھا دت

برکھا دت
معلومات شخصیت
پیدائش	18 دسمبر 1971ء (54 سال)  دہلی
شہریت	بھارت
عملی زندگی
مادر علمی	دہلی یونیورسٹی سینٹ اسٹیفن کالج، دہلی جامعہ ملیہ اسلامیہ
پیشہ	اینکر پرسن ،  مصنفہ ،  صحافی
اعزازات
پدم شری اعزاز برائے ادب و تعلیم   (2008) چمیلی دیوی جین اعزاز برائے ممتاز خاتون صحافی (1999)
ویب سائٹ
ویب سائٹ	باضابطہ ویب سائٹ

برکھا دت ہِک بھارتی صحافی تے مصنف ہِن۔ برکھا این ڈی ٹی وی دے نال 13 سال تک وابستہ رہی تے جنوری 2017ء وچ الگ تھئی ہَئی۔ بھارت تے پاکستان دے درمیان کارگل جنگ 1999ء دی رپورٹنگ دے بعد برکھا صحافیت دے میدان وچ ابھری۔ بھارت دے چوتھے وݙے انعام پدم شری دے علاوہ برکھا نے کئی ملکی تے بین الاقوامی انعامات حاصل کیتے ہِن۔ برکھا انہاں چند صحافیاں وچوں ہِن جنہاں دا تعلق راڈیہ ٹیپ تنازع نال ہِے۔ این ڈی ٹی وی تے برکھا ہفتہ روز شو وی دی پیپل (انگریزی: We The People) تے روزانہ پرائم ٹائم شو دی بک سٹاپس ہیئر (انگریزی: The Buck Stops Here) دی ہوسٹ ہَئی۔

ذاتی زندگی

برکھا نئی دہلی وچ 18 دسمبر 1971ء کوں ایس۔پی دت تے پربھا دت دے ہاں پیدا تھئی ہَئی۔ برکھا دے والد ایس۔پی دت ایئر انڈیا دے ہک افسر ہَن تے والدہ ہندوستان ٹائمز نال وابستہ ہک صحافی ہَن۔ برکھا اپݨی صحافیت نال منسلک صلاحتیاں دے واسطے اپݨی ماں دا شکریہ بجا گھندی ہِے۔ برکھا دی چھوٹی بہن بہار دت وی ہک ٹیلی ویژن صحافی ہِے تے سی این این آئی بی این نال وابستہ ہِے۔ مذہبی خیالات وچ برکھا خود کوں لاادری قرار ݙیندی ہِے۔ برکھا یونیفارم سول کوڈ دی حامی ہِے۔ برکھا نے تین طلاق دے خلاف وی اپݨے خیالات دا اظہار کیتا ہِے۔

تعلیم

برکھا نے سینٹ اسٹیفنز کالج، دہلی توں انگریزی ادب وچ بی۔اے دی ڈگری حاصل کیتی۔ انہاں نے جامعہ ملیہ اسلامیہ توں ماس کمیونیکیشن (انگریزی: Mass communication) وچ ایم۔اے کیتا۔ برکھا نے کولمبیا یونیورسٹی دے گریجویٹ اسکول آف جرنلزم توں صحافیت وچ ایم۔اے دی ڈگری حاصل کیتی۔

کیریئر

برکھا نے اپݨی صحافتی زندگی دا آغاز این ڈی ٹی وی توں کیتا۔ 1999ء وچ کارگل جنگ تے رپورٹنگ، جیڑھی وچ برکھا نے میجر وکرم باترا دا انٹرویو وی گھدا، اِس امر نے برکھا کوں پورے بھارت وچ شہرت بخشی۔ اِس دے بعد توں برکھا نے کشمیر، پاکستان، افغانستان تے ایران دے تنازعات کوں کوریج ݙتی۔ 2002ء دے گجرات فسادات کوں رپورٹ کرݨ دے دوران برکھا نے حملہ کرݨ والیاں تے متاثرین کوں ہندو تے مسلم توں پچھاݨیا، جیڑھا پریس کونسل آف انڈیا دے اصول و ضوابط توں تجاوز کرݨ دے مترادف ہِے۔ برکھا نے اپݨے کئی کم تے منفی توجیہات پائیاں ہِن۔ برکھا این ڈی ٹی وی دی گروپ ایڈیٹر ہَئی تے فروری 2015ء وچ مشورہ گیر ایڈیٹر تھئی ہَئی۔ برکھا 21 سال بعد جنوری 2017ء وچ این ڈی ٹی وی توں الگ تھئی ہَئی۔

تصانیف

• دی ان کوئٹ لینڈ