برکت لغاری
اصل ناں برکت علی
قلمی ناں برکت ؔلغاری
جٖمنْ 1992ء
تعلیم ایم اے(اردو)
پیشہ دکانداری
جاہ پتہ موضع چک ننگر چوٹی بالا ضلع ڈیرہ غازیخان
برکتؔ لغاری چوٹی بالا دا اُبھردا ہویا نوجوان شاعر ہے ، معروف شاعر ، نقادتے عروضدان فرید ساجد لغاری دا قریبی رشتے دار تے شاگرد ہے ۔ٹیلنٹ تاں ماشاء اللہ زبردست ہے مگر ساری گٖالھ ہے مشقِ سخن دی اگر ایں نوجوان مشقِ سخن جاری رکھی تاں بٖہوں جلد وڈٖے شعرا دی صف اچ کھڑا ہویا نظر آسی۔انشاء اللہ۔ نمونہ کلام۔
غزل
[لکھو | ماخذ وچ تبدیلی کرو]وقت وسدے دے نال وسوں ہا
دل کہیں دا ٹھگٖال وسوں ہا
کئی تاں احسان لا سجٖنْ ہکوار
مونجھ موئی کوں گٖال وسوں ہا
تئیں توں پہلے خدا گواہ ِ پنل
فکر وسوں نہ خیال وسوں ہا
تیڈٖے ہوندیں مہاگٖ چھڑدی ہئی
بٖیٹ وسوں ہا مال وسوں ہا
برکتیں کوں بچا سنبھل برکتؔ
وقت دے نال نال وسوں ہا