بروننبرگ دی جنگ 937
بروننبرگ دی جنگ 937
[لکھو | ماخذ وچ تبدیلی کرو]بروننبرگ دی جنگ 937 وچ انگلینڈ دے بادشاہ ایتھلستان اتے ڈبلن دے بادشاہ اولاف گتھفرتھسن ، سکاٹ لینڈ دے بادشاہ کانسٹینٹائن ݙوجھے اتے سٹراتھ کلائیڈ دے بادشاہ اوین دے اتحاد دے درمیان لڑی ڳئی ۔ ایں جنگ کوں کݙہیں کݙہیں انگریزی قومی شناخت دے آغاز دے مقام دے طور تے ݙسیا ویندے مائیکل لیونگسٹن جیڑھے تاریخ دان ہن او دلیل ݙیندے ہن کہ "جیہڑے لوک ایں میدان وچ لڑیئے اتے مر ڳئے انہاں مستقبل دا ہک سیاسی نقشہ بݨایا جیڑھا اڄ وی موجود ہے ، ایں طرح بروننبرگ دی جنگ کوں صرف انگلینڈ دی نہ بلکہ پورے برطانوی جزائر دی طویل تاریخ دیاں سب توں وݙیاں جنگاں وچوں ہک بݨایا ڳیا" ۔
ایں جنگ وچ ایتھلستان دی اڳواݨی وچ انگریزی فوج اولاف گتھفرتھسن ، کانسٹینٹائن ݙوجھے اتے اوین دے اتحاد دی فوج تے حملہ کیتا ۔ ایہ جنگ انگلینڈ دے تخت کیتے لڑی ڳئی ہئی ۔
ایتھلستان دی فوج دے کول بہتر جنگی حکمت عملی ہئی اتے انہاں دے کول تجربہ کار فوجی کمانڈر وی ہن ۔ انہاں اتحادی فوج کوں گھیر گھدا اتے انہاں تے حملہ کر ݙتا ۔
ݙوہیں فوجاں وچ سخت لڑائی تھئی ۔ انگریزی فوج اتحادی فوج تے باری نقصان پڄایا اتے انہاں کوں پچھوں تے ہٹݨ تے مجبور کر ݙتا ۔
بروننبرگ دی جنگ انگلینڈ دی تاریخ وچ ہک اہم موڑ ثابت تھئی ۔ ایں جنگ وچ ایتھلستان دی فتح انگلینڈ کوں ہک متحد ریاست بݨاوݨ وچ مدد ݙتی ۔ ایں جنگ اتحادی فوج دی طاقت کوں کمزور کر ݙتا اتے انہاں دے حوصلے پست کر ݙتے ۔ ایں جنگ ثابت کیتا کہ انگریزی فوج اتحادی فوج دے مقابلے وچ زیادہ طاقتور ہئی اتے او انہاں کوں شکست ݙیوݨ دی صلاحیت رکھدی ہئی ۔ ایں جنگ دے نتیجے وچ انگلینڈ دا علاقے تے کنٹرول ودھ ڳیا اتے اتحادی فوج دی طاقت گھٹ تھی ڳئی ۔ ایں فتح انگلینڈ کوں برطانوی جزائر وچ اپݨا تسلط قائم کرݨ وچ اہم کردار ادا کیتا ۔ ایں جنگ کوں انگریزی قومی شناخت دے آغاز دے طور تے وی ڄاݨیا ویندے ۔