برونا عبد اللہ

Bruna Abdullah
معلومات شخصیت
ڄم	24 اکتوبر 1986ء (39 سال)  پورتو الیگرے
رہائش	ممبئی
شہریت	برازیل
عملی زندگی
پیشہ	ادکارہ
پیشہ ورانہ زبان	پرتگالی برازیلی ،  پرتگالی ،  ہندی
	IMDB پر صفحہ

برونا عبد اللہ برازیل دی ہک فلمی اداکارہ ہن، جیہڑی بالی ووڈ وچ کم کریندی ہے۔ انہاں نے پنیت ملہوترا دی فلم "آئی لو ہیٹ اسٹوریز" (2010) وچ جیزل دا کردار ادا کیتا تے کامیڈی فلم "گرینڈ مستی" وچ میری دا کردار ادا کیتا۔ انہاں نے 2012 دی تامل فلم "بلا 2" وچ وی کم کیتا۔

برونا برازیل دے علاقے گاؤبا وچ لبنانی نسل دے پیو تے اطالوی-پرتگالی نسب دی ماء دے گھر پیدا تھئین۔ اوہ سیاح دی حیثیت نال ہندوستان آئین تے اداکارہ دے طور تے کم کرݨ لڳین۔ اپݨے کیریئر کوں اڳوں ودھاوݨ کیتے اوہ برازیل توں ممبئی آ ڳئین۔ اوہ انڈس انڈ بینک، ریبوک، فیاما ڈی ولز تے ٻہوں سارے اشتہارات وچ وی نظر آئین۔

برونا عبد اللہ دی پہلی ویڈیو شیکھر سمن دے نال انہاں دی پہلی البم "میرے غم کے دائرے" وچ ہئی۔ انہاں نے انوبھو سنہا دے ڳاݨے"رحم کرے" وچ وی پرفارم کیتا۔ اوہ 2011 وچ ریلیز تھیوݨ آلی فلم "دیسی بوائز" دی ڈانس ویڈیو وچ وی نظر آئین۔

برونا نے رئیلٹی ٹی وی شو "ڈانسنگ کوئین" تے "خطروں کی کھلاڑی" وچ وی حصہ ڳھدا۔ اوہ 5 جنوری 2018 کوں ریلیز تھیوݨ آلی فلم "اڑانچو" وچ وی نظر آئین۔

برونا نے 25 جولائی 2018 کوں اپݨے سکاٹش بوائے فرینڈ ایلن فریس دے نال منگنی کیتی۔ انہاں دی شادی مئی 2019 وچ تھئی۔ ایں جوڑے دی ہک دھی ہے جیندا ناں ازابیلا ہے۔