برندا کرات

برندا کرات
معلومات شخصیت
پیدائش	17 اکتوبر 1947ء (78 سال)  کولکاتا
شہریت	بھارت
جماعت	بھارتیہ مارکسوادی کمیونسٹ پارٹی
شریک حیات	پرکاش کارات (نومبر 1975–)
عملی زندگی
مادر علمی	جامعہ کلکتہ ویلہام گرلز اسکول میرانڈہ ہاوس، دہلی
پیشہ	سیاست دان
دستخط
	IMDB پر صفحہ

برندا کرات (پیدائش 19 اکتوبر 1947) ہک ہندوستانی سیاست دان ہَئی۔ انّھاں 2005 وچ کمیونسٹ پارٹی دی طرفوں راج سبھا دی رکن بنڑی۔ 2005 وچ، انّھاں کمیونسٹ پارٹی پولٹ بیورو دی پہلی زنانی رکن بنڑی۔ انّھاں 1993 توں 2004 تک آل انڈیا ڈیموکریٹک ویمنز ایسوسی ایشن (AIDWA) دی جنرل سکریٹری وی رہیں تے بعد وچ ایندے دی نائب صدر وی رہیں۔

سیاسی کیریئر

1967 وچ، مرانڈا ہاؤس توں گریجویشن دے بعد انّھاں لندن چلی ڳئیں، جتھاں انّھاں چار سال تک بانڈ سٹریٹ وچ ایئر انڈیا دے نال کم کِیتے۔ ایئر انڈیا کِیتے کم کریندیاں ہویاں انّھاں ایئر لائنز وچ ساڑھی دی بجائے اسکرٹ پہنڑݨ کوں لازمی قرار ݙیوݨ دے خلاف مہم چلائی۔ ایئر انڈیا دے ہیڈ کوارٹر نے آخر کار انّھاں نال اتفاق کِیتا تے تب توں لندن وچ ایئر لائن کِیتے کم کرݨ والیاں زنانیاں ایہ چُونڳ کر سڳدیاں ہَن جو ساڑھی پہنّ یا اسکرٹ کوں اپݨی وردی دے طور تے ورتیں۔

1971 وچ انّھاں اپݨی نوکری چھوڑ کے کلکتہ واپس آنڑ دا فیصلہ کِیتا۔ انّھاں اپݨی سیاسی حیاتی ہک طالب علم کارکن دے طور تے شروع کِیتی جݙاں پارٹی دی رہنمائی وچ انّھاں کلکتہ یونیورسٹی وچ بطور طالب علم داخلہ گِھدا۔ عملی سیاست کوں سمجھݨ کِیتے پارٹی دی تجویز تے انّھاں ایہ داخلہ گِھدا۔ شروع وچ انّھاں کالج کیمپس وچ طلبہ دے نال کم کِیتا تے بعد وچ بنگلہ دیش دی جنگ دے دوران ریاست دے پناہ گزین کیمپاں وچ وقت گُزاریا۔ انّھاں ہفتہ وار پارٹی کِیتے وی لکھدی رہیں۔ 1975 وچ انّھاں دہلی شفٹ تھی ڳئیں کیوں جو اوہ مزدور یونین وچ کم کرݨ چاہندی ہَن۔ اے ویلے انّھاں دی پارٹی دے جنرل سکریٹری کامریڈ پی سندرایا ہَن۔ اوہ اپݨے ویلے توں ٻہوں اڳّاں ہَن۔ کارکناں کوں تفویض کرݨ دے کم دے بارے وچ انّھاں دا ہک واضح نقطہ نظر ہئی۔ انّھاں دی ہک حساس کیڈر پالیسی ہئی۔ انّھاں شمولیت دے نال نال پارٹی دی رکنیت وی حاصل کر گِھدی۔

نومبر 1975 کوں، انّھاں پرکاش کرات نال شادی کِیتی۔ ایہی سال انّھاں شمالی دہلی وچ ٹیکسٹائل مل دے کارکناں دے نال تجارتی یونین نمائیندہ دے طور تے کم کرݨ شروع کِیتا۔ ول انّھاں کارکناں دی تحریکاں تے ہندوستانی زنانیاں دی تحریکاں دے نال سرگرم تھیوݨ شروع کِیتا۔ انّھاں 1980 دی دہائی وچ عصمت دری دے قوانین وچ اصلاحات دی مہم وچ نمایاں مقام حاصل کِیتا۔ کرات صنفی مسائل کِیتے ہک نمایاں مہم چلاوݨ والی سیاست دان ہَن تے انّھاں پارٹی دے اندر زنانیاں دی مناسب نمائندگی کِیتے جدوجہد کِیتی۔

اپریل 2005 کوں انّھاں مغربی بنگال کِیتے سی پی آئی(ایم) دی رکن دے طور تے ہندوستانی پارلیمنٹ، راجیہ سبھا کِیتے منتخب تھئیں۔ 2005 وچ انّھاں کمیونسٹ پارٹی آف انڈیا (مارکسسٹ) دے پولٹ بیورو کِیتے وی منتخب تھئیں، جیڑھی پارٹی دی اعلیٰ ترین فیصلہ ساز ادارہ ہئی تے برندا کرات ایندے دی پہلی زنانی رکن ہَن۔

خاندان

انّھاں دی شادی 7 نومبر 1975 کوں پرکاش کرات نال تھئی، جو ہک کیرالا نژاد ہَن تے سی پی آئی(ایم) دے ہک ممتاز رہنما ہَن۔