بخت علی مسرور
اصل ناں بخت علی
تخلص مسرورؔ
جٖمنْ 1931ء
جاہ پتہ احمد پور کہنہ۔بہاولپور
بخت علی مسرور ہک کہنہ مشق ، پر گو تے صاحبِ دیوان شاعر ہن۔نموہ کلام ملاحظہ کرو!
غزل
[لکھو | ماخذ وچ تبدیلی کرو]دل نہ پھہا آکھیا جو ہم
تھیسی جفا آکھیا جو ہم
توں ہیں کتھاں ، او ہے کتھاں
دیداں نہ لا آکھیا جو ہم
ساڑنْ رقیباں دے کیتے
کھل کھل الا آکھیا جو ہم
توں ہک دی خاطر گٖوٹھ دے
گابے چرا آکھیا جو ہم
آکھنْ توں سچ چکدا نوہی
ملسی سزا آکھیا جو ہم
کندھیاں کوں کن ہوندن جیویں
ہولے الا آکھیا جو ہم
کاوڑ نہ کر اللہ توں ڈٖر
جھوکاں وسا آکھیا جو ہم
کیوں دور ہیں مسرورؔ ہیں
سنْسی خدا آکھیا جو ہم
؎ڈٖیکھنْ یار بہانہ بنْ گٖئے
خواب دا ہک افسانہ بنْ گٖئے
او تاں کھل کے بھاکل پیندے
دشمن مفت زمانہ بنْ گٖئے
٭٭٭