بحیرہ طبریہ

بحیرہ طبریہ، جینکوں بحیرہ گلیل، جھیل گنیسرت تیں جھیل طبریہ وی آکھیا ویندے، اسرائیل دی سب توں وݙی مِٹھے پاݨی دی جھیل ہے۔ اے جھیل تاریخی تیں مذہبی طور تے ٻہوں اہمیت رکھدی ہے۔

بحیرہ طبریہ دی خشکی

کُجھ سالاں توں بحیرہ طبریہ وِچ پاݨی دی سطح گھٹ تھیندی پئی ہے، جیندے پاروں اِتھاں ہِک جزیرہ وی نُمودار تھی ڳیا ہئی۔ اِیں بارے وِچ مختلف ویب سائٹس تیں سیٹلائٹ تصویراں وِچ معلومات موجود ہِن، پر گوگل میپس تے اَڄاں تائیں واضح طور تے نظر نئیں آندا۔ اسرائیلی حکومت ہر سال پاݨی دی سطح دے اُتار چڑھاؤ دی تفصیلات شائع کریندی ہے۔

مذہبی کتاباں وِچ اے وی لکھیا ہویا ہے کہ قیامت دی نشانیاں وِچوں ہِک نشانی اِیں جھیل دا خشک تھی ونڄݨ وی ہے۔ اِیں دے علاوہ بحیرہ مردار وی تیزی نال خشک تھیندا پئے، تیں ماہرین دے مطابق 2050ء توں پہلے ای اِیندا وجود مُک ونڄݨ دا خدشہ ہے۔

بحیرہ مردار

بحیرہ مردار، جیڑھا اسرائیل تیں اردن دے درمیان واقع ہے، ہِک کھارے پاݨی دی جھیل ہے جیندے وِچ سمندری پاݨی توں وی 6 گُنا زیادہ نمک ہے۔ اِے جھیل وی تیزی نال خشک تھیندی پئی ہے تیں اِتھاں کئی وݙے وݙے کھݙے بݨ ڳئے ہِن۔ اسرائیلی حکومت اِیں مسئلے تے قابو پاوݨ کیتے نہر سویز توں ہِک رابطہ نہر بݨاوݨ تے کم کریندی پئی ہے۔ اِیں منصوبے کوں RSDSC منصوبہ آکھیا ویندے۔

بحیرہ احمر

بحیرہ احمر، جینکوں بحیرہ قلزم وی آکھیا ویندے، بحیرہ مردار توں 400 میٹر اُچا ہے۔ اسرائیلی حکومت بحیرہ احمر کوں بحیرہ مردار نال پائپ لائن دے ذریعے جوڑݨ دا منصوبہ وی بݨیندی پئی ہے۔