بحیرہ احمر
بحیرہ احمر (Red Sea) ہند بحر دا ہک حصہ ہے جیہڑا افریقہ تے ایشیاء دے درمیان واقع ہے۔ اینکوں انگریزی وچ ریڈ سی تے اردو وچ بحیرہ احمر آکھیا ویندے۔
جغرافیہ:
[لکھو | ماخذ وچ تبدیلی کرو]بحیرہ احمر دی لمبائی تقریباً 1900 کلومیٹر (1200 میل) اتے چوڑائی 300 کلومیٹر (190 میل) ہے۔ ایندی ودھ توں ودھ گہرائی 2500 میٹر (8200 فٹ) ہے۔ ایہ آبنائے باب المندب دے ذریعے بحر ہند نال جُڑدا ہے۔ شمال وچ جزیرہ نما سینا، خلیج عقبہ تے خلیج سویز ہن جیہڑے نہر سویز نال ملدن۔
خاصیات:
[لکھو | ماخذ وچ تبدیلی کرو]بحیرہ احمر دنیا دے گرم ترین تیں نمکین ترین سمندراں وچوں ہک ہے۔ گرم موسم دی وجہ توں پاݨی دی تبخیر دی شرح زیادہ ہوندی ہے تے ہوا دے دباؤ دی وجہ توں ایندے وچ نمکیات دی مقدار 36 توں 38 فیصد تک ہوندی ہے۔
ایں سمندر وچ مونگے دی تقریباً 200 قسماں تے ٻئے مہرہ آبی جانوراں دی 1000 توں ودھ قسماں پائیاں ویندیاں ہن۔
تاریخ:
[لکھو | ماخذ وچ تبدیلی کرو]تاریخی طور تے بحیرہ احمر ہمیشہ توں اہم رہیا ہے۔ قدیم مصریاں نے اینکوں تجارتی رستیاں کیتے استعمال کیتا۔ بائبل وچ حضرت موسیٰ علیہ السلام دے اپنی قوم دے نال ایں سمندر کوں پار کرݨ دا ذکر وی ملدا ہے۔
اقتصادی اہمیت:
[لکھو | ماخذ وچ تبدیلی کرو]بحیرہ احمر ہک اہم تجارتی راستہ ہے۔ نہر سویز اینکوں بحیرہ روم نال ملویندی ہے جیندے نال ایشیاء تے یورپ دے درمیان تجارت وچ آسان تھیندی ہے۔ ایندے علاوہ سیاحت وی ایندی اہمیت دا ہک حصہ ہے۔
بحیرہ احمر نال لگدے ممالک:
[لکھو | ماخذ وچ تبدیلی کرو]بحیرہ احمر دے ساحلاں تے ایہ ممالک واقع ہن: