بتریہ

بَترِیّہ، بُتریّہ یا اَبتَریّہ فرقہ زیدیہ دی ہک شاخ ہئی جیندے پیروان وچ کُثَیْرنوّاء تے حسن بن صالح بن حیّ دے ناں ملدن۔ شیعہ اثنا عشری دے مطابق ایہ اصطلاح انہاں تمام افراد تے لاگو تھیندی ہے جنہاں نے ولایت ائمہ اثنا عشریہ تے خلافت ابوبکر و عمر کوں آپس وچ خلط ملط کر ݙتا، جنہاں لوگاں دے بارے وچ انہاں دا عقیدہ ہے کہ اوہ دشمنان اہل بیت و ائمہ گرداݨے ڳن۔ جنہاں علماء نے ایہ اصطلاح استعمال کیتی اُنہاں وچ ملا دربندی، محمد السند اور یاسر الحبیب شامل ہن۔

دانشنامہ جہان اسلامی دے مطابق ایہ اہل تشیع دا اوہ گروہ ہئی جیہڑا عقائد وچ اہل سنت دی طرف جھکاؤ رکھدا ہئی یعنی ایہ لوگ خلفائے راشدین دے وی معتقد ہن لیکن امامت تے اولاد حضرت فاطمہ زہراء تے امام علی دے پتراں دا حق سمجھدے ہن۔ جناب زید بن علی انہاں لوگاں کوں انہاں دے عقائد دی وجہ توں گمراہ ڄاݨدے ہن۔۔ ایں مذہب دے عقائد دے مطابق جیہڑے وی حسن تے حسین ابن علی دی اولاد وچوں ہن تے جنہاں نے ظلم دے خلاف قیام کیتا، امام ہن تے ایہ وی ممکن ہے کہ ہک زمانے وچ ݙو امام ظہور کرن۔ شہرستانی لکھدے کہ جݙݨ اوہ سُنی معتزلہ مذہب دا پیروکار تے بتریہ دا مقلد ہئی تاں اکابرین معتزلہ کوں اہل بیت توں برتر سمجھدا ہئی۔ اوہ لوگ یعنی بتریہ فرقہ ابوحنیفہ دے پیروکار وی ہن تے بعض مسائل وچ اہل تشیع تے شوافع دی وی پیروی کریندے ہن۔